Qazaqstanda taǧy bır käsıbi mereke – Memlekettık qyzmetter salasyndaǧy qyzmetkerler künı paida bolady. Jaŋa meiram jyl saiyn 15 säuırde atalyp ötedı. Tiıstı ükımet qaulysynyŋ jobasy "Aşyq NQA" portalyndajariialandy, dep habarlaidy “Adyrna” ūlttyq portaly.
"Qazaqstan Respublikasyndaǧy merekelık künderdıŋ tızbesı "Memlekettık qyzmetter salasyndaǧy qyzmetkerler künı – 15 säuır" degen tarmaqpen tolyqtyrylsyn", – delıngen jazbada.
Qaulyda memlekettık qyzmetter salasyndaǧy qyzmetkerlerdıŋ eŋbek ūjymy respublika boiynşa şalǧai audandardy qosa alǧanda, oblystar men respublikalyq maŋyzy bar qalalarda jūmys ısteitını jazylǧan. Qyzmetkerlerdıŋ jalpy sany 20 myŋnan astam adamdy qūraidy.
"Alaida bügıngı künı memlekettık qyzmet körsetu salasyndaǧy qyzmetkerlerdıŋ käsıbi merekesın atap ötu mümkındıgı joq jäne osyndai mereke bolmaǧandyqtan, bıryŋǧai käsıbi qoǧamdastyq salasynyŋ bölşegı ekenın sezınbeidı", – delıngen jazbada.
Memlekettık qyzmet körsetu salasynda käsıbi merekelerdı atap ötuge qatysty halyqaralyq täjıribe de zerdelengen.
