تاۋەلسىزدىك العاننان بەرگى جىلداردى قازاقستاننان، شامامەن، 100 ميلليرد دوللار زاڭسىز شىعارىلعان. بۇل تۋرالى ۇلتتىق ەكونوميكا ءمينيسترى الىبەك قۋانتىروۆ ايتتى، دەپ حابارلايدى “ادىرنا” ۇلتتىق پورتالى
"ەلىمىزگە تارتىلعان تىكەلەي شەتەلدىك ينۆەستيتسيالاردى الاتىن بولساق، ونىڭ كولەمى ۇلكەن، 30 جىلدىڭ ىشىندە 400 ميلليارد دوللاردان اسادى. بىراق ونداعان ميلليارد شىعارىلعان، شامامەن، 100 ميلليارد، ودان ءسال كوپتەۋ شىعار", - دەدى قۋانتىروۆ بريفينگتە.
سونداي-اق، قازىر شەتەلدەگى كاپيتالدى قايتارۋ بويىنشا ارنايى كوميسسيا جۇمىس ىستەپ جاتىر. ال ادىلەت ءمينيسترى قانات مۋسين الداعى ۋاقىتتا قارجىنىڭ قايتارۋدىڭ ناقتى تەتىكتەرى ەنگىزىلەتىنىن ايتتى.
"بۇگىندە شەتەلدەگى كاپيتالدى قايتارۋ جولدارى قارالىپ جاتىر. بۇل وڭاي شارۋا ەمەس. ونى بىردەن شەشۋگە بولادى دەپ ايتا المايمىن. بىراق قاجەتتى شارالاردىڭ ءبارى اتقارىلىپ جاتىر", - دەپ اتاپ كورسەتتى مۋسين.
كاپيتالدى قايتارۋ شارالارىنىڭ ىشىندە سالىقتىق جانە سالىقتان تىس ىنتالاندىرۋ تەتىكتەرى بار.
"قازىرگى كەزدە ءبىز سالىقتىق ىنتالاندىرۋ بويىنشا بەلسەندى جۇمىس ىستەپ جاتىرمىز. ءبىر جاعىنان اقشانى جىلىستاتۋعا توسقاۋىل قويامىز. ماسەلەن، سالىقتىق شارالاردىڭ ءبىرى – ول ديۆيدەندتەر بويىنشا جەڭىلدىكتەردى الىپ تاستاۋ. بۇرىن ينۆەستورلار ونى تولەيمەيتىن. ونى باس كومپانياعا شىعارۋعا نەمەسە بەلگىلى ءبىر قىزمەتتەردى ساتىپ الۋعا مۇمكىندىك بولعان. ءبىز سالىقتىق جەڭىلدىكتەر دە جاسايمىز", - دەيدى مينيستر قۋانتىروۆ.
قازىرگى كەزدە ۇلتتىق ەكونوميكا مينيسترلىگى سالىق كودەكسىنە وزگەرىستەر ەنگىزۋ بويىنشا زاڭ جوباسىن ازىرلەۋگە كىرىستى.
“ادىرنا” ۇلتتىق پورتالى
