Ukraina prezidentı Vladimir Zelenskii reseilık «Maşa men aiu» animasiialyq serialynyŋ avtorlaryna sanksiia saldy. Būl turaly tiıstı jarlyq 20 tamyzda Ukraina memleketı basşysynyŋ resmi saitynda jariialandy, dep habarlaidy «Adyrna» tılşısı.
Şekteuler serialdy jasaǧan «Animakkord» studiiasyna jäne bes reseilık azamatqa qatysty engızılgen. Olardyŋ qatarynda studiianyŋ negızın qalauşy ärı bas direktory, ssenarii avtory jäne tuyndyǧa qūqyq iesı bar.
Ukraina prezidentınıŋ saitynda tüsındırılgendei, «Maşa men aiu» multserialy eldıŋ ūlttyq qauıpsızdıgıne qauıp töndıredı. Sebebı onda «balalarǧa arnalǧan kontent retınde bürkemelengen reseişıl narrativter» taratylady.
«RBK-Ukraina» basylymynyŋ jazuynşa, būl şeşım multserialdy Ukraina aumaǧynda körsetuge tyiym saluǧa mümkındık beredı.
20 tamyzda Zelenskii Reseige qarsy sanksiialar turaly Ūlttyq qauıpsızdık jäne qorǧanys keŋesınıŋ şeşımın küşıne engızetın taǧy üş jarlyqqa qol qoiǧan. Şekteuler Reseidıŋ äskeri-önerkäsıptık keşen käsıporyndaryna, reseilık şeneunıkter men jeke tūlǧalarǧa, sondai-aq Oleg Deripaskaǧa tiesılı «Rusal» tobyna kıretın kompaniialarǧa baǧyttalǧan.
Estoniianyŋ syrtqy ıster ministrı Margus Sahkna 2026 jyldyk mausymynda «Maşa men aiu» multfilmı «Kremldıŋ jūmsaq küşınıŋ bır bölıgı» ekenın mälımdegen edı. Onyŋ aituynşa, multfilm «balalarǧa arnalǧan oiyn-sauyq kontentıne kremlşıl jäne militaristık ideologiiany engızıp, sonymen qatar Reseidıŋ agressiiasy men imperiialyq ambisiialaryn qalypty qūbylys retınde körsetedı».
Sol aida Deadline basylymy Netflix strimingtık platformasy «Maşa men aiudyŋ» jaŋa ekı mausymyn körsetu qūqyǧyn satyp alǧanyn jäne būǧan deiın şyqqan mausymdar men jobanyŋ spin-offtaryna qatysty kelısımdı ūzartqanyn habarlaǧan.
