Ukraina Reseimen kelıssözderdı ılgerıletıp, beibıtşılıkke qol jetkızu maqsatynda AQŞ ūsynǧan şekarany qaita qarau jönındegı jaŋa bastamany qabyldamady. Būl turaly The Telegraph jazdy, dep habarlaidy «Adyrna» tılşısı.
Basylymnyŋ mälımetınşe, amerikalyq kelıssöz jürgızuşıler aumaqtyq ymyraǧa kelu nūsqasyn ūsynǧan. Būl ūsynys boiynşa Resei Donbastaǧy maidan şebın tolyq baqylauǧa alǧanyn mälımdei alady. Alaida Ukraina özı baqylauynda ūstap otyrǧan qalalardy beruge mındettı bolmaidy.
Degenmen, Abu-Dabidegı kelıssözderge jaqyn ukrainalyq derekköz The Telegraph basylymyna bergen tüsınıktemesınde Kievtıŋ aumaqtyq jeŋıldıkterdı talqylamaǧanyn atap ötken.
«Ukraina delegasiiasy aumaqtyq mäseleler boiynşa eşqandai jeŋıldıkterdı talqylaǧan emes»,- dedı derekköz.
Būǧan deiın The Economist basylymy Aq üide Ukrainanyŋ äkımşılık şekaralaryn qaita qarau turaly ūsynys talqylanyp jatqanyn rastaǧan edı. Äsırese Donesk jäne Lugansk oblystarynyŋ şekaralaryn özgertu mäselesı qarastyrylyp jatqany aityldy.
Al Politico basylymy amerikalyq resmi tūlǧalarǧa sılteme jasap, Abu-Dabide ötken üşjaqty kelıssözderde Resei men Ukraina aumaqtyq mäselede «ikemdılık tanytuǧa» daiyn ekenın körsetkenın jazǧan.
«Jeke äŋgımelerde būl kezdesudı ūiymdastyrǧan amerikalyq resmi tūlǧalar Resei de, Ukraina da aumaqtyq mäselede belgılı bır deŋgeide ikemdılık tanytuǧa daiyn ekenın körsetkenın atap öttı», – delıngen jariialanymda.
Sondai-aq Abu-Dabidegı kelıssözderdı aşqan AQŞ prezidentınıŋ arnaiy ökılı Djared Kuşner Resei basşylyǧynyŋ beibıtşılıkke daiyndyǧy turaly pıkır bıldırgen.
«Europalyqtar bızge jiı qoiatyn sūraqtardyŋ bırı – reseilıkter men prezident Putinnıŋ şynymen beibıtşılıkke daiyn ekendıgı. Stivpen (Uitkoffpen – red.) bırge tiıstı jaǧdai jasalsa, būǧan tolyq senımdı ekenımızdı aita alamyz», – dedı ol.
Kuşner ekı künge josparlanǧan kelıssözderdegı maqsaty reseilık tarapty «europalyqtardy da kezdesulerge qatystyruǧa aqyry köndıru» ekenın jetkızgen. Alaida europalyq ökılder Resei delegasiiasy zalǧa kırmei tūryp, kelıssözder ötetın oryndy tastap ketken.
The Telegraph basylymynyŋ jazuynşa, amerikalyq şeneunıkter Kiev pen Mäskeu arasyndaǧy aumaqtyq mäseleler boiynşa qandai da bır ymyraǧa Europanyŋ qauıpsızdık arhitekturasy talqylanbaiynşa qol jetkızu mümkın emes dep esepteidı.
