Reseılik depýtat Evgenıı Fedorov KSRO quramynda bolǵan memlekettertiń odaqtan shyǵýyn zańsyz is-áreket dep atady. Onyń málimdemesin «PÝTIN v Telegram» arnasy jarııalady, dep habarlaıdy «Adyrna» tilshisi.
«Zańsyz bólingen respýblıkalardyń bári erte me, kesh pe, Reseımen qaqtyǵysady ne soǵysady. Bul — teorııa máselesi. Qaqtyǵystardyń keıbireýi qazir bolmaıdy, máselen Belarýsty alaıyq. Grýzııa soǵysqan, Ýkraına. Bunyń Armenııaǵa da qatysy bar.
Biz Keńes Odaǵynyń barlyq respýblıkasymen qarym-qatynasymyzdy zań negizinde qaıta qurmasaq, ıaǵnı halyqaralyq talaptardy eskere otyryp, olardyń qazirgi jaǵdaıy týraly kelissózder júrgizbesek, bir kúni soǵysamyz»,—dedi ol.
Dýma depýtatynyń bul sózine Qazaqstan bıligi ázirge eshteńe aıtpady. Al Ózbekstan depýtaty Odıljon Tojıev Fedorovty kezekti qııalshyl adamdardyń birine teńedi.
«Keńes Odaǵynan zańsyz túrde shyqqan respýblıkalar 14/09 zańyn buzdy deıdi. Fedorov Konstıtýııanyń barlyq zańnan joǵary turǵanyn túsinbese kerek. Sonymen, KSRO Konstıtýııasynyń 72-babynda: «Árbir odaqtas respýblıka úshin KSRO-dan óz erkimen shyǵý quqyǵy saqtalady»,—dep kórsetilgen»,— dedi Tojıev.
