Resei basşysy Vladimir Putin BRİKS sammitınde Türkiia prezidentı Rejep Taiyp Erdoǧannyŋ esımın şatastyrdy. Tiıstı videony Agentstvo aqparat közı jariialady, dep habarlaidy “Adyrna” ūlttyq portaly.
Putinge Türkiia prezidentın tanystyru üşın onyŋ tolyq aty-jönın aitu qajet bolǧan. Ol tek üşınşı aitqanda ǧana Türkiia basşysynyŋ aty-jönın tolyq aita alǧan.
Aita keteiık, qazan aiynyŋ basynda 72 jasqa tolǧan Putinnıŋ ataulardy, äsırese, özınıŋ özge elderdegı ärıptesterınıŋ esımın dūrys atai almaityn kezderı jiı kezdesedı. Onyŋ jaŋylys söilegenı jaiynda Kreml eşqaşan tüsınık bergen emes. Ol köbıne özı jiı saparlaityn jäne jiı bas qosatyn Ortalyq Aziia prezidentterınıŋ resmi aty-jönınen şatasyp jüredı.
Äsırese, Qazaqstan Prezidentı Qasym-Jomart Toqaevtyŋ atyn bırneşe ret būrmalap aitqan.Keibır sarapşylardyŋ pıkırınşe, būl kezdeisoq emes jäne Reseidıŋ basqa memlekettermen qarym-qatynasyna da äser etuı mümkın.
