Qazaqstan reseilık zauytty saludan bas tartty. Auqymdy öndırıs Aqtöbe oblysynda ıske qosylady dep josparlanǧan edı. Būl turaly LS jazdy, dep habarlaidy “Adyrna”.
Aqparatqa säikes, ūlttyq sifrlyq investisiialyq platforma qūramynan qūny 184 mlrd teŋge bolatyn joba alynyp tastaldy. Aqtöbe oblysy äkımdıgındegıler būl bastapqyda titan-sirkonii kenderın öndıru jäne öŋdeu boiynşa ken baiytu keşenın salu jospary bolǧanyn atap öttı. Nysannyŋ jalpy qūny 184 mlrd teŋgege baǧalanǧan. Jobanyŋ bastamaşysy — Resei kompaniiasy.
“Jobany jüzege asyru üşın ken oryndarynda ken baiytu jäne keiın konsentrattardy himiialyq kombinattarda öŋdeu jolymen tık integrasiialanǧan öndırıs qūryluy qajet edı. Alaida būǧan deiın jürgızılgen geologiialyq barlau jūmystary boiynşa qosymşa zertteuler qajettılıgıne bailanysty jobany jüzege asyru belgısız merzımge şegerıldı”, – dep mälımdedı äkımdık ökılderı.
Aita ketsek, käsıporynnyŋ quattylyǧy būǧan deiın jylyna 2,2 myŋ tonna önım kölemınde baǧalanǧan. Joba aiasynda 600 jūmys ornyn aşu josparlanǧan bolatyn.
