AQŞ prezidentı Donald Tramp Ukrainadaǧy soǧysty aiaqtauǧa baǧyttalǧan beibıt kelısımge jaqyn arada qol jetkızıluı mümkın ekenın mälımdedı. Sonymen qatar ol kelısım nätijesınde Ukrainanyŋ memlekettık şekarasy özgeruı yqtimal ekenın tılge tiek ettı. Būl turaly ol YouTube jelısındegı 60 Minutes arnasyna bergen sūhbatynda aitty, dep habarlaidy «Adyrna» tılşısı.
Jurnalist Tramptyŋ bilıkke kelgen kezde Ukrainadaǧy soǧysty toqtatuǧa uäde bergenın, alaida soǧys älı de jalǧasyp jatqanyn atap öttı. Osyǧan bailanysty jürgızuşı prezidentten beibıtşılıkke qol jetkızuge kedergı bolyp otyrǧan basty sebeptı sūrady.
«Zelenskii men Putinnıŋ arasyndaǧy öşpendılık… Eger men prezident bolǧanymda, būl soǧys eşqaşan bastalmas edı. Būǧan eşqandai mümkındık bolmas edı. Alaida soǧys bastalyp kettı. Menıŋ oiymşa, bız kelısımge qol qoiuǧa öte jaqynbyz», – dep jauap berdı Tramp.
AQŞ basşysynan Ukraina prezidentı Vladimir Zelenskiige me, älde Resei prezidentı Vladimir Putinge me köbırek senetını sūraldy. Alaida Tramp būl sūraqqa tıkelei jauap bermedı. Onyŋ aituynşa, ekı köşbasşymen de qarym-qatynasy jaqsy jäne olardyŋ kezdesuı josparlanǧan. Äŋgıme 10–11 qaraşada Abu-Dabide ötedı dep josparlanǧan Ukraina, AQŞ jäne Resei arasyndaǧy kelıssözder turaly boluy mümkın.
Būdan keiın Tramp soǧystyŋ aiaqtaluyna sebep bolatyn jalǧyz adam – özı ekenın aitty.
Jurnalist Zelenskiidıŋ Resei Ukrainaǧa basyp kırgendıkten Putinge degen öşpendılıgı tüsınıktı emes pe degen saual qoidy.
«İä, mūny tüsınuge bolady. Bıraq mūnyŋ bärı öte kürdelı boldy… Olardyŋ alǧaşqy kezdesuı kezınde Resei ülken qūrmetsızdıkke tap boldy. Sondyqtan būl turaly eşteŋe aitpaimyn… Men prezident bolǧan tört jyl ışınde (2016–2020 jyldardaǧy alǧaşqy prezidenttık merzımı – red.) būl soǧys bastalǧan joq. Putin mūny qatty qalaǧanymen, soǧys eşqaşan bastalmas edı», – dedı Aq üi basşysy.
Jurnalist Tramptyŋ beibıt kelısım jaqyn arada jasalatynyn qaita-qaita aitatynyn, alaida ıs jüzınde oǧan kedergı keltırıp otyrǧan tarap Putin boluy mümkın ekenın eske saldy. Sondai-aq Ukrainaǧa körsetıletın kömektıŋ toqtatyluy jäne Reseimen jasalǧan dizel otynyna qatysty kelısım turaly sūraqtar qoiyldy. Būǧan jauap retınde Tramp özınıŋ Reseige qatysty ūstanymy qataŋ ekenın mälımdedı.
«Reseige menen artyq qataŋ saiasat jürgızgen eşkım joq… Sauda salasynda olarǧa qatysty ne ıstegenıme, qandai sanksiialar engızgenıme jäne basqa da şaralaryma qaraŋyzdar… Men dizel otynyna salynǧan sanksiialardy alyp tastaǧan joqpyn. Reseige mūnai men dizel otynyn AQŞ-qa emes, bükıl älemge jetkızuge rūqsat berdım. Älemge myŋdaǧan barrel mūnai men dizel otyny qajet boldy… Menıŋ ne ıstegenıme qaraŋyzdar. “Obama olarǧa (Ukrainaǧa – red.) körpe berdı, al men tankıge qarsy qaru berdım” degen eskı söz bar. Men olarǧa osyndai qarudyŋ myŋdaǧan danasyn jetkızdım», – dep atap öttı AQŞ prezidentı.
