Bügın Memleket basşysy Qasym-Jomart Toqaev Qaraǧandy oblysyna jūmys saparymen bardy. Sapar barysynda Öndırıstı jaŋǧyrtu üderısıne, ekologiiany qorǧau ısıne erekşe nazar audarylatynyn aitty, dep habardaidy “Adyrna” ūlttyq portaly.
«Memleket elımızde jūmys ısteitın barlyq ırı öndıruşı kompaniialardyŋ qyzmetın öte jıtı baqylaidy. Bız kapitaldy şetelge zaŋsyz şyǧaruǧa jol bermeimız. Olardyŋ türlı äleumettık baǧdarlamalardy jüzege asyruyn qadaǧalap otyramyz.
Öndırıstı jaŋǧyrtu üderısıne, ekologiiany qorǧau ısıne erekşe nazar audarylady. Salyq tölemaqysy erekşe baqylauda. Eger ırı önerkäsıp käsıporyndary būl talaptarǧa sai kelmese, bız serıktestıktı toqtatuǧa mäjbür bolamyz. Būl – eşqandai qorqytu emes, kerısınşe bükıl örkeniettı älemde qabyldanǧan qarapaiym, adal jäne ädıl jūmys erejelerı.
Qazaqstanda oligarhtyq kapitalizmnıŋ zamany ötıp, el azamattarynyŋ aldyndaǧy äleumettık jauapkerşılıktı sezınetın kezeŋ jettı. Azamattarymyzǧa tiımdı ärı äleumettık jauapkerşılıktı sezınetın, el ekonomikasynda jetekşı oryndaǧy biznes kerek»,- dedı Prezident.
