بۇگىن مەملەكەت باسشىسى قاسىم-جومارت توقاەۆ قاراعاندى وبلىسىنا جۇمىس ساپارىمەن باردى. ساپار بارىسىندا ءوندىرىستى جاڭعىرتۋ ۇدەرىسىنە، ەكولوگيانى قورعاۋ ىسىنە ەرەكشە نازار اۋدارىلاتىنىن ايتتى، دەپ حاباردايدى “ادىرنا” ۇلتتىق پورتالى.
«مەملەكەت ەلىمىزدە جۇمىس ىستەيتىن بارلىق ءىرى ءوندىرۋشى كومپانيالاردىڭ قىزمەتىن وتە ءجىتى باقىلايدى. ءبىز كاپيتالدى شەتەلگە زاڭسىز شىعارۋعا جول بەرمەيمىز. ولاردىڭ ءتۇرلى الەۋمەتتىك باعدارلامالاردى جۇزەگە اسىرۋىن قاداعالاپ وتىرامىز.
ءوندىرىستى جاڭعىرتۋ ۇدەرىسىنە، ەكولوگيانى قورعاۋ ىسىنە ەرەكشە نازار اۋدارىلادى. سالىق تولەماقىسى ەرەكشە باقىلاۋدا. ەگەر ءىرى ونەركاسىپ كاسىپورىندارى بۇل تالاپتارعا ساي كەلمەسە، ءبىز سەرىكتەستىكتى توقتاتۋعا ءماجبۇر بولامىز. بۇل – ەشقانداي قورقىتۋ ەمەس، كەرىسىنشە بۇكىل وركەنيەتتى الەمدە قابىلدانعان قاراپايىم، ادال جانە ءادىل جۇمىس ەرەجەلەرى.
قازاقستاندا وليگارحتىق كاپيتاليزمنىڭ زامانى ءوتىپ، ەل ازاماتتارىنىڭ الدىنداعى الەۋمەتتىك جاۋاپكەرشىلىكتى سەزىنەتىن كەزەڭ جەتتى. ازاماتتارىمىزعا ءتيىمدى ءارى الەۋمەتتىك جاۋاپكەرشىلىكتى سەزىنەتىن، ەل ەكونوميكاسىندا جەتەكشى ورىنداعى بيزنەس كەرەك»،- دەدى پرەزيدەنت.
