رەسمي ساپار اياسىندا مەملەكەت باسشىسى قاسىم-جومارت توقاەۆ پەن رەسەي پرەزيدەنتى ۆلاديمير پۋتين ەرەكشە راسىمگە قاتىستى. مەملەكەت باسشىلارى ەكى ەلدىڭ ماڭگى دوستىعىنا ارنالعان اللەيادا ەمەن كوشەتىن وتىرعىزدى. بۇل تۋرالى اقوردا جازدى، دەپ حابارلايدى "ادىرنا".
حالىقارالىق ديپلوماتيادا اعاش ەگۋ – مەملەكەتتەر اراسىنداعى قارىم-قاتىناستىڭ ۇزاقمەرزىمدىلىگى مەن بەرىكتىگىن بىلدىرەتىن تەرەڭ ماعىنالى ءداستۇر. بۇل جولى تاڭداۋدىڭ ەمەن اعاشىنا ءتۇسۋى دە تەگىن ەمەس. ەمەن ءوزىنىڭ ۇزاق جاساۋىمەن، مىقتىلىعىمەن جانە تامىرىنىڭ تەرەڭگە بويلاۋىمەن ەرەكشەلەنەدى.
ەسكە سالساق، 27 مامىر كۇنى رەسەي پرەزيدەنتى ۆلاديمير پۋتين قازاقستانعا مەملەكەتتىك ساپارمەن كەلگەن ەدى. 28 مامىر كۇنى قوس پرەزيدەنت بىرنەشە ماڭىزدى قۇجاتتارعا قول قويدى. ال بۇگىن، 29 مامىردا جوعارى ەۋرازيالىق كەڭەستىڭ وتىرىسى وتەدى.
