توقاەۆ ەڭبەك دەمالىسى قارساڭىندا كىمدەردى تاعايىندادى، - دەپ حابارلايدى Tengrinews.kz ءتىلشىسى.
تيمۋر سۇلەيمەنوۆ قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى قىزمەتىنە تاعايىندالدى.
"تيمۋر مۇراتۇلى سۇلەيمەنوۆ قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى بولىپ تاعايىندالسىن، ول قازاقستان رەسپۋبليكاسى پرەزيدەنتىنىڭ كومەكشىسى قىزمەتىنەن بوساتىلسىن", - دەلىنگەن جارلىقتا. تيمۋر سۇلەيمەنوۆ 22 ناۋرىزدا پرەزيدەنتتىڭ كومەكشىسى بولىپ تاعايىندالدى. بۇل جەردە ول ەرۇلان جاماۋباەۆتى الماستىردى. 2019 جىلدىڭ ناۋرىز ايىنىڭ باسىندا تيمۋر سۇلەيمەنوۆ ۇلتتىق بانكتە قىزمەت اتقاردى. ونى قارجى رەتتەگىش توراعاسىنىڭ ورىنباسارى ەتىپ تاعايىندادى. 2016 جىلعى 28 جەلتوقساننان باستاپ 2019 جىلعى اقپانعا دەيىن تيمۋر سۇلەيمەنوۆ قر ۇلتتىق ەكونوميكا ءمينيسترى قىزمەتىن اتقاردى. تيمۋر سۇلەيمەنوۆ 1978 جىلى 5 ساۋىردە دۇنيەگە كەلگەن. ءوزىنىڭ ەڭبەك جولىن "ەرنست ەند يانگ قازاقستان" اۋديتورلىق كومپانياسىندا باس كەڭەسشى قىزمەتىنەن باستادى. 2009-2010 جىلدارى قازاقستان رەسپۋبليكاسىنىڭ ەكونوميكا جانە بيۋدجەتتىك جوسپارلاۋ ۆيتسە-ءمينيسترى، قر ەكونوميكالىق دامۋ جانە ساۋدا ۆيتسە-ءمينيسترى قىزمەتتەرىن اتقاردى. 2012 جىلدىڭ اقپان ايىنان باستاپ ەۋرازيالىق ەكونوميكالىق كوميسسيانىڭ ەكونوميكا جانە قارجى ساياساتى بويىنشا القا مۇشەسى (مينيستر).
ايدا بالاەۆا قازاقستان رەسپۋبليكاسى پرەزيدەنتىنىڭ كومەكشىسى - قازاقستان رەسپۋبليكاسى پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى قىزمەتىنە تاعايىندالدى. ول باسقا جۇمىسقا اۋىسۋىنا بايلانىستى قر پرەزيدەنتى اكىمشىلىگىنىڭ ىشكى ساياسات ءبولىمىنىڭ مەڭگەرۋشىسى قىزمەتىنەن بوساتىلدى. "ايدا عالىمقىزى بالاەۆا قازاقستان رەسپۋبليكاسى پرەزيدەنتىنىڭ كومەكشىسى - قازاقستان رەسپۋبليكاسى پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى بولىپ تاعايىندالسىن", - دەلىنگەن حابارلامادا.
ايدا بالاەۆا 1974 جىلى دۇنيەگە كەلگەن. اباي اتىنداعى الماتى مەملەكەتتىك ۋنيۆەرسيتەتىن "ورىس ءتىلى مەن ادەبيەتى مۇعالىمى" ماماندىعى بويىنشا جانە قازاق ۇلتتىق اگرارلىق ۋنيۆەرسيتەتىن تامامداعان. ءار جىلدارى ول اقپارات جانە قوعامدىق كەلىسىم مينيسترلىگىنە قاراستى الماتى وبلىستىق اقپارات جانە قوعامدىق كەلىسىم باسقارماسى قوعامدىق-ساياسي پروتسەستەردى تالداۋ جانە ۇيلەستىرۋ ءبولىمىنىڭ جەتەكشى مامانى، الماتى قالاسى بويىنشا اقپارات باسقارماسى باسشىسىنىڭ مىندەتىن اتقارۋشى بولىپ جۇمىس ىستەدى. الماتى قالاسى ىشكى ساياسات دەپارتامەنتى ديرەكتورىنىڭ ءبىرىنشى ورىنباسارى، الماتى قالاسى ىشكى ساياسات دەپارتامەنتىنىڭ ديرەكتورى، نۇر-سۇلتان ىشكى ساياسات باسقارماسىنىڭ باسشىسى قىزمەتىن اتقاردى. ءتورت جىل بويى قالا اكىمىنىڭ ورىنباسارى قىزمەتىن اتقاردى. "قۇرمەت" وردەنىمەن ماراپاتتالعان، الەۋمەتتانۋ عىلىمدارىنىڭ كانديداتى. ايدا بالاەۆا. تالعات بەگىمۇلى قاليەۆ قازاقستان رەسپۋبليكاسىنىڭ پرەزيدەنتى جانىنداعى "ورتالىق كوممۋنيكاتسيالار قىزمەتى" رەسپۋبليكالىق مەملەكەتتىك مەكەمەسىنىڭ ديرەكتورى قىزمەتىنە تاعايىندالدى. وسىعان دەيىن، قاسىم-جومارت توقاەۆ پرەزيدەنت جانىنداعى "ورتالىق كوممۋنيكاتسيالار قىزمەتىن" قۇرۋ تۋرالى جارلىققا قول قويدى. ساياساتتانۋ عىلىمدارىنىڭ كانديداتى. سولتۇستىك قازاقستان وبلىسىنىڭ تۋماسى. جۋرناليست، ىشكى ىستەر ءمينيسترىنىڭ كەڭەسشىسى بولدى. سونداي-اق سىرتقى ىستەر مينيسترلىگىندە حالىقارالىق اقپارات كوميتەتىندە، قازاقستاننىڭ ازىربايجانداعى ەلشىسىنىڭ كەڭەسشىسى بولىپ جۇمىس ىستەدى. تاياۋدا تالعات قاليەۆ ۇلتتىق قوعامدىق سەنىم كەڭەسىنىڭ قۇرامىنا كىردى.
پرەزيدەنت جانىنان جاڭا قىزمەت قۇرىلدى سونداي-اق، ساتىبالدى ەرەسۇلى بۇرشاقوۆ قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات جانە حالىقارالىق بايلانىستار ءبولىمىنىڭ مەڭگەرۋشىسى قىزمەتىنە تاعايىندالدى، ول قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات ورتالىعىنىڭ مەڭگەرۋشىسى قىزمەتىنەن بوساتىلدى; ايدىن جەڭىسۇلى قۇلسەيىتوۆ قازاقستان رەسپۋبليكاسى پرەزيدەنتى اكىمشىلىگىنىڭ ستراتەگيالىق جوسپارلاۋ ءبولىمىنىڭ مەڭگەرۋشىسى قىزمەتىنە تاعايىندالدى، ول قازاقستان رەسپۋبليكاسى پرەزيدەنتى اكىمشىلىگىنىڭ ستراتەگيالىق ازىرلەمەلەر جانە تالداۋ ورتالىعىنىڭ مەڭگەرۋشىسى قىزمەتىنەن بوساتىلدى.
"ادىرنا" ۇلتتىق پورتالى
