مەملەكەت باسشىسى قاسىم-جومارت توقاەۆ 8-9 مامىر كۇندەرى رەسەيگە بارۋدى جوسپارلاپ وتىر، دەپ حابارلايدى “ادىرنا” ۇلتتىق پورتالى. بۇل تۋرالى رەسەيدەگى قازاقستان ەلشىسى داۋرەن اباەۆ مالىمدەدى
«ءبىزدىڭ پرەزيدەنتتەر اراسىنداعى كەزدەسۋ ايتارلىقتاي ءجيى وتەدى. قازان ايىندا رەسەي پرەزيدەنتى ۆلاديمير ءپۋتيننىڭ قازاقستانعا ساپارىنان كەيىن پرەزيدەنتتەر ەكى رەت كەزدەستى – سانكت-پەتەربورداعى ەاەو جانە تمد سامميتتەرىندە جانە اقپان ايىندا قازان قالاسىندا بولاشاقتىڭ ويىنىندا. 8–9 مامىردا ءبىزدىڭ پرەزيدەنت ماسكەۋگە بارادى دەپ جوسپارلانۋدا»، – دەدى ەلشى اباەۆ تاسس-قا بەرگەن سۇحباتىندا.
اباەۆ استانا مەن كيەۆتىڭ قورعانىس سالاسىنداعى بايلانىسىنا قاتىستى دا پىكىر بىلدىرگەن.
«وعان الىپ-قاشپا اڭگىمە، فەيك، راستالماعان اقپارات رەتىندە قاراۋ كەرەك»، - دەدى اباەۆ.
ول قازاقستان مەن رەسەيدىڭ وداقتاس ەلدەر ەكەنىن اتاپ ءوتتى.
«ماعان رەسەيدەگى قازاقستان رەسپۋبليكاسىنىڭ ەلشىسى رەتىندە قازاقستاندا رۋسوفوبيا بار دەگەن سىقىلدى كەيبىر جالعان اقپاراتتار ىڭعايسىزدىق تۋدىرادى. بۇل ميف. ول اقىرىنداپ كەيبىر جاسىرىن Telegram-كانالداردا تارالىپ جاتىر. بۇل بارىپ تۇرعان وتىرىك. قازاقستاندا ەشقانداي دا رۋسوفوبيا جوق. قازاقستاندا شامامەن 3 ملن ەتنيكالىق ورىستار تۇرادى – ءبىزدىڭ ورىستار، ءبىزدىڭ ازاماتتار. ءوزىڭىز ويلاڭىزشى، قانداي دا ءبىر رۋسوفوبيا بولسا. ونداي جوق، بولۋى دا مۇمكىن ەمەس. نەگە؟ سەبەبى ءبىزدىڭ تاريحىمىز ورتاق، مەنتاليتەتىمىز ۇقساس، ءتىپتى كەيبىر مادەني كودىمىز دا ۇقساس»، – دەدى اباەۆ.
