جۇرگىزۋشى ءوز اۆتوبۋسىنىڭ استىنا ءتۇسىپ، قازا تاپتى

361
Adyrna.kz Telegram
https://www.adyrna.kz/storage/uploads/Olz0J96a0qvLEHYd371wssyQuepjhxEskhgoxwRe.jpg

فوتو: جي

بىشكەكتە قوعامدىق كولىك جۇرگىزۋشىسى ءوز اۆتوبۋسىنىڭ استىنا ءتۇسىپ، كوز جۇمدى، دەپ حابارلايدى "ادىرنا" 24 kg-عا سىلتەپ.

قوزعالىستى وزدىگىنەن باستاعان اۆتوبۋس جۇرگىزۋشىنى باسىپ ءوتىپ، جول جيەگىندە تۇرعان ەكى كولىككە سوعىلعان.

وقيعا 19 قاراشادا ساعات 15:50 شاماسىندا ينتەرگەلپو جانە كەڭ-سۋ كوشەلەرىنىڭ قيىلىسىندا، №57 مەكتەپتىڭ ماڭىندا بولعان.

قالالىق پاترۋلدىك ميليتسيا باسقارماسىنىڭ مالىمەتىنشە، 1972 جىلى تۋعان جۇرگىزۋشى №10 باعىتتاعى جۇمىسىن اياقتاپ، «انكاي» ماركالى اۆتوبۋستان تۇسكەن. وسىدان كەيىن اۆتوبۋس باتىستان شىعىسقا قاراي وزدىگىنەن قوزعالا باستاعان.

جۇرگىزۋشى كولىكتى توقتاتۋ ءۇشىن جولاۋشىلار ەسىگىنە قاراي جۇگىرگەن. الايدا ءسۇرىنىپ قۇلاپ، اۆتوبۋستىڭ استىنا تۇسكەن.

باسقارۋسىز قوزعالعان اۆتوبۋس جول جيەگىندە تۇرعان Toyota Prius جانە Mazda 626 ماركالى ەكى كولىكپەن سوقتىعىسىپ، سودان كەيىن توقتاعان.

جۇرگىزۋشى جەدەل جاردەم كولىگىمەن اۋرۋحاناعا جەتكىزىلگەنىمەن، العان جاراقاتتارىنان جولدا قايتىس بولعان.

قازىر قۇزىرلى ورگاندار جۇرگىزۋشىنىڭ باعىتتى اياقتاعاننان كەيىن اۆتوبۋستى قول تەجەگىشىنە قويعان-قويماعانىن انىقتاپ جاتىر.

پىكىرلەر