سەمەيدەگى كولونيادا جازاسىن وتەپ جاتقان بۇرىنعى قاۋىپسىزدىك قىزمەتكەرىن ولتىرۋدە «قايراق» قولدانىلعان، دەپ حابارلايدى "ادىرنا" پورتالى قر ىشكى ىستەر ۆيتسە-ءمينيسترى يگور لەپەحا.
«ول جەردە جانجال ورىن الدى. ءيا، شىنىمەن دە كىسى ءولتىرۋ بولدى، ونىڭ (كىسى ولتىرگەن ادام) قايراعىشى بار ەدى، وكىنىشكە قاراي، وتكىر زاتتى جاسادى. بۇل ءبىزدىڭ قىزمەتكەرلەردىڭ نەمقۇرايلىعى ەكەنى انىق. ءبىز بەينەباقىلاۋدى قاراپ جاتىرمىز. اتالعان فاكتى بويىنشا قىلمىستىق ءىس قوزعالدى. ءبىزدىڭ قىزمەتكەرلەر جاۋاپقا تارتىلدى. قازىرگى ۋاقىتتا بۇل مەكەمەنى تەكسەرۋ جالعاسۋدا»، - دەدى لەپەحا سەيسەنبىدەگى ۇكىمەت بريفينگىندە.
ەسكە سالا كەتەيىك، 16 قازاندا اباي وبلىسىنداعى بۇرىنعى ءتارتىپ ساقشىلارىنا ارنالعان كولونيادا سوتتالعانداردىڭ ءبىرى پىشاقتالىپ ولتىرىلگەنىن حابارلاعان بولاتىن. اتالعان فاكتى بويىنشا قىلمىستىق ءىس قوزعالدى.
