قوناەۆ قالاسىندا قاپشاعاي سۋ قويماسىندا سۋعا باتقان ادامدى قۇتقارماق بولعان دەمالىس بازاسىنىڭ قىزمەتكەرى قازا تاپتى، دەپ حابارلايدى "ادىرنا" ءتىلشىسى.
بۇل تۋرالى قوناەۆ قالاسىنىڭ اكىمى جەلىدەگى پاراقشاسىندا جازدى.
قايعىلى وقيعا 22 شىلدە كۇنى بولعان. الماتى وبلىسى تجد مالىمەتىنشە، وقيعا دەمالىس ورىندارىنىڭ ءبىرىنىڭ اۋماعىندا تىركەلگەن. الدىن الا مالىمەت بويىنشا، ءبىر ادام سۋعا باتىپ كەتكەن. ونى قۇتقارۋعا ۇمتىلعان دەمالىس بازاسىنىڭ قىزمەتكەرى اندرەي كوزياتينسكيدىڭ ءوزى كوز جۇمدى.
قوناەۆ قالاسىنىڭ اكىمى اسحات بەردىحانوۆ اندرەي كوزياتينسكيدىڭ جاقىندارىنا كوڭىل ايتتى.
«وزگەنىڭ ءومىرىن قۇتقارۋعا ۇمتىلىپ، ءوز ءومىرىن قۇربان ەتكەن اندرەي فيليپوۆيچ كوزياتينسكيدىڭ قازاسى تۋرالى حاباردى تەرەڭ كۇيزەلىسپەن قابىلدادىم. بۇل – ناعىز ەرلىك پەن ادامگەرشىلىكتىڭ جارقىن ۇلگىسى. ول ءوز قاۋىپسىزدىگىن ويلاماي، قيىن جاعدايعا تاپ بولعان ادامعا كومەككە ۇمتىلدى»، – دەپ جازدى قالا اكىمى.
