Qonaev qalasynda Qapşaǧai su qoimasynda suǧa batqan adamdy qūtqarmaq bolǧan demalys bazasynyŋ qyzmetkerı qaza tapty, dep habarlaidy "Adyrna" tılşısı.
Būl turaly Qonaev qalasynyŋ äkımı jelıdegı paraqşasynda jazdy.
Qaiǧyly oqiǧa 22 şılde künı bolǧan. Almaty oblysy TJD mälımetınşe, oqiǧa demalys oryndarynyŋ bırınıŋ aumaǧynda tırkelgen. Aldyn ala mälımet boiynşa, bır adam suǧa batyp ketken. Ony qūtqaruǧa ūmtylǧan demalys bazasynyŋ qyzmetkerı Andrei Koziatinskiidıŋ özı köz jūmdy.
Qonaev qalasynyŋ äkımı Ashat Berdıhanov Andrei Koziatinskiidıŋ jaqyndaryna köŋıl aitty.
«Özgenıŋ ömırın qūtqaruǧa ūmtylyp, öz ömırın qūrban etken Andrei Filipovich Koziatinskiidıŋ qazasy turaly habardy tereŋ küizelıspen qabyldadym. Būl – naǧyz erlık pen adamgerşılıktıŋ jarqyn ülgısı. Ol öz qauıpsızdıgın oilamai, qiyn jaǧdaiǧa tap bolǧan adamǧa kömekke ūmtyldy», – dep jazdy qala äkımı.
