الماتى وبلىسىندا جاسوسپىرىمدەر ماس ەر ادامدى سوققىعا جىقتى، دەپ حابارلايدى "ادىرنا" ءتىلشىسى.
قوناەۆتا ءبىر توپ ءجاسوسپىرىم ەر ادامعا شابۋىل جاساعان ءساتىن ۆيدەوعا ءتۇسىرىپ، الەۋمەتتىك جەلىدە تاراتقان.
كادردا جاس قىز ماس كۇيىندە وتىرعان ەرەسەك ەر ادامدى ءتيىسىپ، كەيىن تەپكىلەگەن.
تاعى ءبىر بەينەروليكتە مەكتەپ وقۋشىلارى وزگە ەر ادامعا قاتىگەزدىك كورسەتىپ، ونى دا سوققىعا جىققان.
الماتى وبلىسىنىڭ پوليتسياسى بەينەگە قاتىستى تۇسىنىكتەمە بەردى. قۇزىرلى ورگاننىڭ اقپاراتىنشا بۇل وقيعا بىلتىر كۇزدە قوناەۆتا تۇسىرىلگەن.
"وسى فاكتى بويىنشا وقيعاعا قاتىسۋشىلاردىڭ بارلىعى انىقتالىپ، قوناەۆ پوليتسيا باسقارماسىنا جەتكىزىلدى. قازىرگى ۋاقىتتا قالالىق پوليتسيا بۇزاقىلىق فاكتىسى بويىنشا قىلمىستىق ءىس قوزعادى", - دەپ حابارلادى الماتى وبلىستىق پوليتسيا دەپارتامەنتىنىڭ ءباسپاسوز قىزمەتى.
