قازاقستان پرەزيدەنتى قاسىم-جومارت توقاەۆ 72 جاسقا تولدى، دەپ حابارلايدى “ادىرنا” ۇلتتىق پورتالى.
مەملەكەت باسشىسىنىڭ ءباسپاسوز قىزمەتى حابارلاعانداي، تۋعان كۇنگە وراي ەشقانداي رەسمي نەمەسە مەرەكەلىك شارالار جوسپارلانباعان.
«پرەزيدەنت بۇل كۇندى اتاپ وتپەيدى، قانداي دا ءبىر رەسمي نەمەسە مەرەكەلىك شارالار وتكىزىلمەيدى»، – دەلىنگەن رەسمي مالىمدەمەدە.
قاسىم-جومارت توقاەۆ 1953 جىلى 17 مامىردا الماتى قالاسىندا دۇنيەگە كەلگەن. اكەسى – كەمەل توقاەۆ (1923–1986), ەكىنشى دۇنيەجۇزىلىك سوعىستىڭ ارداگەرى، قازاق ادەبيەتىندەگى دەتەكتيۆ جانرىنىڭ نەگىزىن قالاعان جازۋشىلاردىڭ ءبىرى. اناسى – تۇرار شابدارباەۆا (1931–2000), الماتىداعى پەداگوگيكالىق شەت تىلدەر ينستيتۋتىندا قىزمەت اتقارعان.
1991 جىلى قازاقستان تاۋەلسىزدىگىن جاريالاعان كەزدە قاسىم-جومارت توقاەۆ سسسر-ءدىڭ قىتايداعى ەلشىلىگىندە ديپلوماتيالىق قىزمەت اتقارعان جەرىنەن ەلگە قايتادى. قازاقستانداعى العاشقى قىزمەتى سىرتقى ىستەر ءمينيسترىنىڭ ورىنباسارلىعىنان باستالدى. كەيىننەن پرەمەر-مينيستر بولدى، مينيستر قىزمەتىن اتقاردى. بۇۇ باس حاتشىسىنىڭ ورىنباسارى قىزمەتىندە بولىپ، كەيىن سەنات توراعالىعىنا كەلدى. 2019 جىلدان باستاپ قازىرگى قىزمەتىندە.
ۇقساس جاڭالىقتار
