قىزىلوردادا بەس ايلىق ءسابي مەن ونىڭ اناسىن قاعىپ كەتكەن كولىك جۇرگىزۋشىسى ءالى ىزدەستىرىلىپ جاتىر، دەپ حابارلايدى «ادىرنا» ءتىلشىسى.
قايعىلى جاعداي 13 قازان كۇنى بولعان ەدى. زارداپ شەككەندەر اۋرۋحاناعا جەتكىزىلگەن، الايدا ءسابيدى امان ساقتاۋ مۇمكىن بولمادى. ال بالانىڭ اناسى اۋىر جاراقات العان. دەنساۋلىق ساقتاۋ باسقارماسىنىڭ مالىمەتىنشە، ايەلدىڭ باس سۇيەگى، قابىرعالارى، بۇعانا، جامباس سۇيەكتەرى مەن توبىعى سىنعان.
قىزىلوردا وبلىسىنىڭ پوليتسيا دەپارتامەنتى كۇدىكتىنى قاماۋعا الۋعا سوت سانكتسيا بەرگەنىن حابارلادى. الايدا ازىرگە ونىڭ قايدا ەكەنى انىقتالماعان، ىزدەستىرۋ جۇمىستارى جالعاسىپ جاتىر.
«كۇدىكتىنىڭ ورنالاسقان جەرىن انىقتاۋ ءۇشىن پوليتسيا دەپارتامەنتىنىڭ بۇكىل جەكە قۇرامى باعدارلاندى. بارلىق كۇش پەن قۇرال جۇمىلدىرىلدى. تەرگەۋ ەرەكشە باقىلاۋعا الىندى»، – دەلىنگەن حابارلامادا.
