قازاقستان پرەزيدەنتى قاسىم-جومارت توقاەۆ QazVac ۆاكتسيناسىن دۇنيەجۇزىلىك دەنساۋلىق ساقتاۋ ۇيىمىندا تىركەۋدى تەزدەتۋدى تاپسىردى، دەپ حابارلايدى "ادىرنا".
"كەلەسى سۇراق وسى سالاداعى جەتەكشى وندىرۋشىلەردىڭ ۆاكتسينالار جەلىسىن كەڭەيتۋ قاجەتتىلىگىمەن بايلانىستى. وتاندىق فارماتسەۆتيكالىق الاڭداردا جاڭا رەسەيلىك "سپۋنيك لايت" ۆاكتسيناسىن جەتكىزۋ جانە بوساتۋ ماسەلەسىن پىسىقتاۋ كەرەك", دەدى مەملەكەت باسشىسى كوروناۆيرۋس ينفەكتسياسى بويىنشا ەپيدەميولوگيالىق احۋالعا ارنالعان كەڭەستە.
پرەزيدەنت: ءبىزدىڭ ەڭ وزەكتى ماقساتىمىز – ۆيرۋستىڭ تارالۋىن توقتاتۋ ەمەس. الەمدىك تاجىريبە مۇنىڭ مۇمكىن ەمەس ەكەنىن كورسەتىپ وتىر. ەڭ باستىسى – اسا اۋىر ناۋقاستاردىڭ كوبەيۋىن بولدىرماۋ، ادام ءومىرىن ساقتاۋ. سوندىقتان، ونىڭ ءبىر عانا جولى بار. بۇل – جاپپاي ۆاكتسيناتسيا، ەكپە سالۋ.
— اقوردا ءباسپاسوز قىزمەتى (@AkordaPress) July 19, 2021
قىركۇيەك ايىندا جوسپارلانعان وتاندىق ۆاكتسينا QazVac-تىڭ ونەركاسىپتىك شىعارىلىمىن ەسكەرە وتىرىپ، ونى دۇنيەجۇزىلىك دەنساۋلىق ساقتاۋ ۇيىمىندا تىركەۋدى جەدەلدەتۋ قاجەت. بۇل دەنساۋلىق ساقتاۋ مينيسترلىگى مەن سىرتقى ىستەر مينيسترلىگىنىڭ جۇمىسى.
قاسىم-جومارت توقاەۆ
پرەزيدەنت: بىلتىرعى جازدا بولعان جاعدايدىڭ قايتالانۋىنا جول بەرۋگە بولمايدى. دەنساۋلىق ساقتاۋ جۇيەسىنىڭ ءبىر قالىپتى جۇمىس ىستەۋىن قامتاماسىز ەتۋ قاجەت. وكىنىشكە قاراي، وسى ماسەلەدە ولقىلىقتار بار.
— اقوردا ءباسپاسوز قىزمەتى (@AkordaPress) July 19, 2021
ەكىجاقتى كەلىسىمدەر شەڭبەرىندە QazVac-تى ءۇشىنشى ەلدەردىڭ نارىقتارىنا جىلجىتۋ بويىنشا جۇمىستى ۇيىمداستىرۋ ماڭىزدى. ۇكىمەتتەن ءبىر اي ىشىندە بۇل ماسەلەنى ەرەكشە باقىلاۋعا الىپ، ناتيجەلەرى تۋرالى ەسەپ بەرۋىن سۇرايمىن.
قاسىم-جومارت توقاەۆ