Qaraǧandyda Batyrlar künıne orai ūiymdastyrylǧan «Batyrlar mūrasy» onkündıgı öz märesıne jettı. Biylǧy şaranyŋ erekşelıgı — tarihi jauyngerlık ūrandarǧa basymdyq berıluı.
Merekelık ıs-şaralarda 31775 äskeri bölımınıŋ sarbazdary ūlttyq dästürlı ūrandardy şaqyryp, «Alaş!», «Äruaq!», «Abylai!» dep dabyl qaqty.
Respublikalyq Qazaq club janyndaǧy akademik Temırǧali Köketai atyndaǧy ortalyqtyŋ jetekşısı Nūrjan Sūrşaūly bylai dedı:
— «Alaş!» ūrany — qazaq halqynyŋ bırlıgınıŋ nyşany. «Äruaq!» ūrany soǧys dalasynda aitylyp, ata-baba jolyn jalǧau men Otandy qorǧauǧa degen qaisarlyqty bıldırgen. Al «Abylai!» ūrany üş jüzdı bır tudyŋ astyna toptastyrǧan han Abylaidyŋ 1729 jylǧy Aŋyraqai şaiqasyndaǧy jeŋısınen keiın keŋınen tanymal boldy. Būl ūran qazaqtyŋ barlyq jüzderınıŋ bırlık ideiasyn beineleidı.
31775 äskeri bölımınde «Batyrlar alleiasyna» gül şoqtary qoiyldy.
Saltanatqa №35 mekteptıŋ «Jas sarbaz» synyptarynyŋ oquşylary da qatysty.
Äskeri qyzmetşıler biyl mereitoilary atalyp ötıp jatqan bırqatar daŋqty batyrlar turaly baiandama jasady:
- Ataqty qolbasşy Bauyrjan Momyşūlynyŋ tuǧanyna — 115 jyl;
- Halyq batyry Mälık Ǧabdullinnıŋ — 110 jyldyǧy;
- Batyr Sūltan Baimaǧambetov pen jazuşy-jauynger Kämen Orazalinnıŋ — 105 jyldyǧy;
- QR būrynǧy Qorǧanys ministrı, armiia generaly Mūhtar Altynbaidyŋ — 80 jyldyǧy.
Onkündık aiasynda Qaraǧandy joǧary politehnikalyq kolledjınde studentterge arnalǧan ǧylymi-tanymdyq konferensiia öttı.
