Jambyl oblysynda jergılıktı bölımde Otan aldyndaǧy boryşyn ötep jatqandardyŋ jaǧdaiy qyzu talqyǧa tüstı. Jelıde sarbazdardyŋ tüskı as pen keşkı asqa şaǧymdanyp jatqany aitylatyn video taraldy. Būl turaly KTK arnasy habarlady.
Videoda sarbazdar özderıne berıletın şūjyq pen ırımşıktıŋ 17 adamǧa az ekenın aitady. Sorpany ädette tabaqtan qyryp alyp ışu kerek. Süt atymen joq. Olarǧa süt beru tiıstı emes degen jauap estitın syŋaily.
Alaida belgılı bolǧandai, būl jazba ekı jyl būryn tüsırılgen bolyp şyqty. Sodan berı mekemenıŋ tamaqtanu qalpy rettelgen. Qorǧanys ministrlıgı mūndai qiyndyqtar älı de bolyp tūratynyn aityp öttı. Sözderınşe, mūnyŋ bärı äskeri bölımderdı tamaqpen qamtamasyz etu konkursynda jeŋıske jetken jauapkerşılıgı joq ūiymdardyŋ kesırı.
“Sapasyz qyzmet körsetu jaǧdailary oryn aluda ekenı ökınıştı. Ärbır faktı boiynşa ıs jürgızılıp, tiıstı talaptar qoiylady. Atalǧan faktı boiynşa 2019 jyly tiıstı jūmystar uaqtyly jürgızıldı. Lugovoi garnizonynda tamaqtanu mäselesı şeşıldı", - deidı QR QM Aqparat jäne kommunikasiialar departamentınıŋ ökılı Ǧani Nüsıpov.
Ūqsas jaŋalyqtar
