Taraptar tatulasty. Aqtauda qyzmetın asyra paidalanǧan komandirdıŋ üstınen qozǧalǧan ıs toqtatyldy

Aqtau garnizonynda komandirdıŋ qyzmettık ökılettıgın asyra paidalanǧany turaly şu bolǧan ıs taraptardyŋ tatulasuyna bailanysty toqtatyldy, dep habarlaidy "Adyrna" ūlttyq portaly Qorǧanys ministrlıgınıŋ baspasöz qyzmetıne sıltep.  «2023 jyldyŋ tamyz aiynda Aqtau garnizony äskeri bölımderınıŋ bırınde vzvod komandirınıŋ merzımdı äskeri qyzmetşılerge qatysty qyzmettık ökılettıgın asyra paidalanu faktısı anyqtaldy. Tergeu şaralary jürgızıldı. Aqtöbe garnizony Äskeri sotynyŋ şeşımımen taraptardyŋ tatulasuy boiynşa ıs toqtatyldy», - delıngen seisenbı künı taratqan habarlamada. Qorǧanys ministrlıgı «Qazaqstan Respublikasynyŋ äskeri qyzmetı jäne äskeri qyzmetşılerınıŋ märtebesı turaly» zaŋnyŋ 26-babynyŋ 2-tarmaǧyna säikes, «sot ükımı zaŋdy küşıne engennen keiın qūqyq būzuşylyqty jasaǧan äskeri qyzmetşı terıs sebepter boiynşa Qazaqstan Respublikasynyŋ Qaruly Küşterı qatarynan şyǧarylady». «Qūqyq būzuşylyqtyŋ aldyn alu, äskerdegı qarym-qatynastardyŋ jarǧylyq erejelerın būzudy anyqtau jäne jolyn kesu mäselelerı qaruly küşter basşylyǧynyŋ erekşe baqylauynda. Olardyŋ barlyq körınısterı boiynşa qūqyqtyq jäne tärtıptık şaralar qoldanylady. Aita keterlıgı, qaruly küşterdegı mūndai būzuşylyqtar oqşaulanǧan. Būl rette bırde-bır ıs qarausyz qalmaidy. Jedel-ızdestıru ıs-şaralaryn jürgızu barysynda qylmystyq qudalau organdaryna jan-jaqty kömek körsetılude», - dep atap öttı Qorǧanys ministrlıgı.