Aqtauda Kaspii teŋızındegı äskeri oqu-jattyǧu kezınde qaza tapqan 20 jastaǧy äskeri qyzmetşı, sambodan Qazaqstan chempionatynyŋ jüldegerı Serjan Aiapbergendı jerleu räsımı öttı, dep habarlaidy "Adyrna" ūlttyq portaly.
Marqūmmen qoştasu räsımı Aqtau qalasynyŋ Rauan tūrǧyn alabynda ūiymdastyryldy. Oǧan qala äkımdıgı men jergılıktı bilık ökılderı, äskeri qyzmetşıler, tuǧan-tuystary men jaqyndary qatysty.
Serjan Aiapbergen sambomen jetı jasynan bastap ainalysqan. Ol sporttyq jolyn dziudodan bastap, keiın samboǧa auysqan. Sportşy respublikalyq jäne halyqaralyq jarystarǧa qatysyp, Qazaqstan chempionatynyŋ jüldegerı atanǧan.
Serjan merzımdı äskeri qyzmet atqaryp jürgen. Äskerge deiın elektr mamandyǧy boiynşa kolledj tämamdaǧan. Äskeri qyzmetın aiaqtaǧannan keiın sport salasynda käsıbi jolyn jalǧastyrudy josparlaǧan.
Aqtau äkımdıgınıŋ mälımetınşe, Kaspii teŋızındegı oqu-jattyǧu kezınde qaza tapqan barlyq äskeri qyzmetşı äskeri qūrmetpen aqtyq saparǧa şyǧarylady.
