Tanymal qazaqstandyq rejisser ärı akter Nūrtas Adambaidyŋ jūbaiy Ǧaliia Adambai äleumettık jelıde otbasyndaǧy kelıspeuşılıkter turaly jazdy. Onyŋ aituynşa, küieuı belgılı bır toptyŋ yqpalyna tüsıp, būl jaǧdai otbasy müşelerıne, sonyŋ ışınde balalaryna da kerı äserın tigızıp otyr, dep habarlaidy “Adyrna”.
Ǧaliia Adambai Instagram paraqşasynda bırneşe jazba jariialap, psiholog Törebek Bekbaevtyŋ ūstanymdaryn synǧa alǧan. Ol Nūrtas Adambai älı künge deiın özı «törebekşıldık» dep ataityn közqarastyŋ yqpalynda ekenın mälımdedı. Äieldıŋ sözınşe, būl jaǧdai otbasyndaǧy qarym-qatynasqa jäne balalardyŋ tärbiesıne bailanysty mäseleler tuyndatqan.
«Sekta osylai jūmys ısteidı. Balalar men äielder zardap şegedı. Barlyq qūjattar men mamandardyŋ qorytyndylaryn ūsynamyn. Onyŋ da uaqyty keledı. Äzırge men üşın balalarym bırınşı orynda», – dep jazdy ol.
Ǧaliia Adambai otbasyndaǧy kelıspeuşılıkterdıŋ basym bölıgı balalardyŋ tärbiesı men densaulyǧyna qatysty bolǧanyn aitady. Atap aitqanda, üş jasar qyzynyŋ tısın tazalatu, balalardyŋ dūrys tamaqtanuy jäne qajet bolǧan jaǧdaida därıgerge qaraluy mäselesınde qiyndyqtar tuyndaǧanyn jetkızdı.
«Üş jasar balaŋnyŋ tısın tazalatu üşın kün saiyn küresuge tura keletın üide ömır süru – azap. Öitkenı äkesı qyzynyŋ öz erkınen tys bırdeŋe ısteuıne qarsy. Balalarǧa dūrys, qūnarly tamaq beru de mäselege ainaldy. Bala auyryp qalsa da, därıgerge aparmai, özdıgınen jazylǧanyn kütu kerek deidı. Qūdai kömektesedı deidı. Därıger jazyp bergen därılerdı ışkızuge de qarsy. Bala özı qalamasa, ony emdeuge bolmaidy dep esepteidı. Būl – Nūrtas Törebektıŋ sektasynan üige alyp kelgen sandyraqtyŋ, tas däuırınen qalǧan tüsınıkterdıŋ jüzden bır bölıgı ǧana», – dedı Ǧaliia.
Ǧaliia būl jaǧdaidyŋ bırneşe jyldan berı jalǧasyp kele jatqanyn atap öttı. Sondai-aq küieuınıŋ öz densaulyǧyna mūqiiat qarap, dūrys tamaqtanyp, qajettı därılerın qabyldaitynyn aityp, balalarǧa qatysty közqarasyn tüsınbeitının bıldırdı.
Ǧaliia bastapqyda tek Törebek Bekbaevtyŋ «sektasy» turaly aityp, öz otbasyndaǧy jaǧdaidy köpşılıkke jariia etkısı kelmegen. Alaida, onyŋ aituynşa, küieuı qoqan-loqqy körsetıp, türlı äreketterımen mazasyn alǧandyqtan, soŋǧy bes jylda otbasynda ne bolǧanyn aşyq aituǧa mäjbür bolǧan.
«Būl turaly endı aitpaimyn dep şeşken edım. Bıraq küieuım qorqytyp, jönsız äreketterımen menı qaita söileuge mäjbürlep otyr. Mäselenı beibıt jolmen şeşu mümkın bolmai tūr. Sondyqtan soŋǧy bes jylda körgen-bılgenımdı aitudy jalǧastyramyn», – dep jazdy ol.
Äiel aldaǧy uaqytta öz sözderın rastaityn qūjattar men mamandardyŋ qorytyndylaryn jariialauǧa daiyn ekenın mälımdedı. Sonymen qatar Nūrtas Adambaidyŋ aitqandary men äreketterıne jauap bermeitının jetkızdı.
Aita keteiık, Nūrtas Adambai men Törebek Bekbaev būǧan deiın dın jäne ruhani mäselelerdı talqylaityn Nuradam atty dıni-aǧartuşylyq jobaǧa bırge qatysqan.
