اقتاۋدا كاسپي تەڭىزىندەگى اسكەري وقۋ-جاتتىعۋ كەزىندە قازا تاپقان 20 جاستاعى اسكەري قىزمەتشى، سامبودان قازاقستان چەمپيوناتىنىڭ جۇلدەگەرى سەرجان اياپبەرگەندى جەرلەۋ ءراسىمى ءوتتى، دەپ حابارلايدى "ادىرنا" ۇلتتىق پورتالى.
مارقۇممەن قوشتاسۋ ءراسىمى اقتاۋ قالاسىنىڭ راۋان تۇرعىن الابىندا ۇيىمداستىرىلدى. وعان قالا اكىمدىگى مەن جەرگىلىكتى بيلىك وكىلدەرى، اسكەري قىزمەتشىلەر، تۋعان-تۋىستارى مەن جاقىندارى قاتىستى.
سەرجان اياپبەرگەن سامبومەن جەتى جاسىنان باستاپ اينالىسقان. ول سپورتتىق جولىن دزيۋدودان باستاپ، كەيىن سامبوعا اۋىسقان. سپورتشى رەسپۋبليكالىق جانە حالىقارالىق جارىستارعا قاتىسىپ، قازاقستان چەمپيوناتىنىڭ جۇلدەگەرى اتانعان.
سەرجان مەرزىمدى اسكەري قىزمەت اتقارىپ جۇرگەن. اسكەرگە دەيىن ەلەكتر ماماندىعى بويىنشا كوللەدج تامامداعان. اسكەري قىزمەتىن اياقتاعاننان كەيىن سپورت سالاسىندا كاسىبي جولىن جالعاستىرۋدى جوسپارلاعان.
اقتاۋ اكىمدىگىنىڭ مالىمەتىنشە، كاسپي تەڭىزىندەگى وقۋ-جاتتىعۋ كەزىندە قازا تاپقان بارلىق اسكەري قىزمەتشى اسكەري قۇرمەتپەن اقتىق ساپارعا شىعارىلادى.
