Almatyda sarbaz qatty daýyldyń saldarynan qaıtys boldy, dep habarlaıdy “Adyrna” ulttyq portaly.
"2022 jylǵy 9 tamyzda saǵat 20:55 shamasynda qatty daýyl kóterilip, jel saldarynan sarbazdar ornalasqan shatyr qalashyǵy búline bastaǵan. Qatardaǵy A.N. Shahımov áriptesteriniń qaýipsiz orynǵa shyǵýyna kómektesip júrip shatyrdan sońǵy bolyp shyqqan kezde, shatyrdyń temir jaqtaýy basyna tıip jaraqat alǵan.
Qatardaǵy A.N. Shahımovqa jedel medıınalyq kómek kórsetilip, sanıtarlyq kólikpen Qonaev qalasyndaǵy qalalyq aýrýhanaǵa jetkizilgen. Qalalyq aýrýhana dárigerleri sarbazdyń qaza bolǵanyn rastaıdy. Qatardaǵy A.N. Shahımov óziniń janqııarlyq áreketimen joldastaryn qutqaryp, ókinishke qaraı ózi qatty soqqydan qaza boldy", - delingen habarlamada.
Sarbaz 2022 jyldyń kókteminde áskerı boryshyn óteý úshin Kókshetaý qalalyq Qorǵanys isteri jónindegi departamentimen shaqyrylǵan.
Adyrna” ulttyq portaly
