Qazaq äskerınde boiy 2 metrden asatyn, 48 ölşemdegı bäteŋke alyp sarbaz qyzmet etedı, dep habarlaidy "Adyrna" ūlttyq portaly.
Bızdıŋ bügıngı keiıpkerımız – Nūrdäulet Qūdabai, Qazaqstan Ūlttyq gvardiiasynyŋ «Ortalyq» öŋırlık qolbasşylyǧyna qarasty 3517 äskeri bölımınıŋ Stepnogorsk qalasyndaǧy sarbazy. Qatardaǧy jauynger Qūdabai öz qyzmettesterımen salystyrǧanda boişaŋdyǧymen erekşelenedı – onyŋ boiy 2 metr 4 santimetr. Şymkent qalasynan şaqyrylǧan sarbaz biıktıgın ata-anasynan mūraǧa alǧan, olardyŋ boiy da 1 metr 80 santimetrden asady. Nūrdäulet – otbasyndaǧy tört balanyŋ kenjesı. Onyŋ ülken aǧasy da ūzyn boily, al ekınşı aǧasy men äpkesı odan säl tömen bolǧanymen, olar da köpşılık arasynda közge bırden tüsedı. Būl genetikalyq erekşelık äkesınıŋ ata-äjesınen berılgen.
"Äkemnıŋ ata-anasy da ūzyn boily. Sondyqtan būl – bızdıŋ otbasylyq erekşelıgımız", – dep maqtanyşpen aitady Nūrdäulet.
Qatardaǧy Qūdabai qyzmetın özgeler siiaqty eşbır artyqşylyqsyz ötep jür. Onyŋ tösegı 2 metr 5 santimetr ūzyndyqta, gvardiiaşy oǧan tolyǧymen syiyp jatady.
"Basynda üirenşıktı emes edı, barlyǧy menı körıp taŋdanyp, boiymnyŋ qanşa ekenın sūraityn", – deidı Nūrdäulet.
Boidyŋ biık boluynyŋ artyqşylyqtary men kemşılıkterı de bar eken. Mysaly, Nūrdäulet jaqsy sportşy, voleiboldy şeber oinaidy. Al azamattyq ömırde kiım taŋdauda qiyndyqtarǧa jiı tap bolady eken. Alaida, äskeri bölım qoimasynan 56 ölşemdegı forma men 48 ölşemdegı bäteŋke tabylǧan. Al tömen esıkterden ötkende basyn şalqaityp jüruıne tura keledı.
Äskerge kelgenge deiın ol Şymkenttegı Ortalyq Aziia innovasiialyq universitetınde oqyǧan, bıraq öz qalauymen azamattyq paryzyn oryndau üşın oquyn uaqytşa toqtatypty. Qatarlastary onyŋ boiynyŋ biık bolu qūpiiasyn jiı sūraidy eken, al Nūrdäulet külıp: «Būl jerde gender kez kelgen jattyǧudan küştı!» – dep jauap beredı.
Qatarlastary ony «bölımnıŋ maiagy» dep äzıldeidı, öitkenı ony alystan-aq köruge bolady. Bıraq ol renjımeidı jäne boiynyŋ biıktıgın tek syrtqy erekşelık qana emes, Otan aldyndaǧy joǧary jauapkerşılıktıŋ simvoly dep sanaidy.
Qyzmet merzımı aiaqtalǧan soŋ, Nūrdäulet oquyna oralyp, bılımın jalǧastyrudy armandaidy. Degenmen, ol būl äskerdegı jylyn ömır boiy este saqtaitynyn aitady. Äsker – naǧyz ömır mektebı!
Ūqsas jaŋalyqtar
