Foto: Alessandro Bremec/IPA/picture alliance
Milan bilıgı jastar qatysqan jappai tärtıpsızdıkterden keiın qalaǧa 500 äskeri qyzmetker jıberu turaly şeşımdı qoldady. Ministrler kabinetı maqūldaǧan jarlyqqa säikes, äskeri qyzmetşıler qoǧamdyq tärtıptıŋ saqtaluyn qadaǧalaidy. Alaida olarǧa adamdardy tūtqyndau qūqyǧy berılmeidı, dep habarlaidy "Adyrna".
Corriere della Sera gazetınıŋ jazuynşa, İtaliianyŋ qorǧanys ministrı Gvido Krozetto äskeri qyzmetşılerdıŋ ökılettıgın keŋeitudı ūsynǧan. Bıraq respublika prezidentımen keŋeskennen keiın būl şara jarlyq mätınınen alynyp tastalǧan.
Jaŋa jarlyqta tärtıpsızdıkke qatysqan kämeletke tolmaǧandardyŋ jauapkerşılıgın küşeitu jäne qoǧamdyq şeruler kezınde jasalǧan zorlyq-zombylyq äreketterı üşın qylmystyq jauapkerşılıkke tartu közdelgen. Jaza şaralary, sonyŋ ışınde ūstau, 14 jastan asqan jasöspırımderge de qoldanyluy mümkın.
Būl şaralar Milanda baǧanyŋ ösuıne qarsy ötken şeruler kezınde bolǧan tärtıpsızdıkterden keiın qabyldandy. Mälımetke säikes, aksiiaǧa qatysuşylardyŋ 80 paiyzy kämeletke tolmaǧandar bolǧan.
Bilık ökılderı dükenderdı tonau jäne mülıktı büldıru äreketterımen qatar jürgen mūndai tärtıpsızdıkter aldaǧy demalys künderı taǧy qaitalanuy mümkın dep qauıptenedı.
La Repubblica gazetınıŋ habarlauynşa, qauıpsızdık şaralaryn küşeituge baǧyttalǧan qazırgı jarlyq – soŋǧy tört jylda qabyldanǧan jetınşı qūjat. Būǧan deiın aldyn ala ūstau şaralaryn qosa alǧanda, bırqatar jarlyq qabyldanǧanymen, olar kütken nätije bermegen. Basylym mūny atalǧan şaralardyŋ tiımsızdıgınıŋ belgısı dep baǧalaidy.
Gazettıŋ jazuynşa, mūndai jarlyqtardy qabyldau üderısı Djordja Meloni ükımetı 2022 jyly bilıkke kelgennen keiın bastalǧan. Alǧaşqy qūjattardyŋ bırı reiv-keşterge qarsy baǧyttalsa, keiıngı jarlyqtar äleumettık jaǧdaiy kürdelı audandardaǧy jasöspırımder arasyndaǧy qylmyspen küresuge jäne qazırgı ükımettıŋ saiasi ūstanymdaryna qarsy jastar jinalatyn äleumettık ortalyqtardyŋ qyzmetıne qatysty mäselelerge baǧyttalǧan.
