Aqtaýda áskerden qashyp, joǵalyp ketken sarbaz 28 jyl ótken soń tabyldy, - dep habarlaıdy "Adyrna" ulttyq portaly Lada.kz-ke siltep.
1996 jyldyń kúzinde áskerge ketip, qaıta oralmaǵan Atyraý oblysynyń turǵyny Beıbit Qozybaev 28 jyldan keıin aman-esen tabylǵan.
Jaqyn aralyqta Beıbittiń anasy Marjan Qozybaeva týǵan ulymen qaýyshty.
"Marjan apaıdyń bul kúnge de jetip, týǵan ulyn qushaqtap, saǵynyshyn basqanyn kózimiz kórdi. Aýdandyq áskerı komıssarıatyna kelip, balasyn surap egilgen ananyń talaı qınalǵannan esinen tanyp qalǵanyn da kórgenbiz. Sol kezderi ony ne dep jubatarymyzdy bilmeı, biz de qınalyp qalýshy edik. Búgin mine, 28 jyldan keıin baýyr eti balasymen qaýyshqan ana úshin bizdiń de kóńilimiz jaı tapqandaı boldy", - deıdi Qyzylqoǵa aýdandyq máslıhatynyń depýtaty, qorǵanys salasynyń ardageri Esenbaı Nurov.
Qozybaev Beıbit Altaıuly - Atyraý oblysy Jasqaırat aýylynyń týmasy. Ol 1997 jyly 9 qyrkúıekte joǵalǵan, osy ýaqytqa deıin onyń ornalasqan jerin anyqtaý múmkin bolmady.
Bul jaǵdaıǵa qatysty Aqtaý garnızonynyń áskerı prokýratýrasy túsinikteme berdi.
"Osy qylmystyq is sheńberinde QR Qylmystyq-proestik kodeksi talaptaryna sáıkes proestik sheshim qabyldanady. Nátıjesi keıinirek habarlanady. Qylmystyq-proestik kodeksiniń 201-babyna sáıkes sotaldy tergep-tekserý derekteri jarııa etilmeıdi", - dedi vedomstvo ókilderi.
Posmotret etý pýblıkaııý v Instagram
