Aqtau garnizonynda ötken äskeri oqu-jattyǧu kezınde äskeri qyzmetkerlerdıŋ qaza boluyna bailanysty qylmystyq ıs qozǧalyp, tergeu bastaldy. Būl turaly Bas prokuratura jazdy, dep habarlaidy «Adyrna» tılşısı.
Vedomstvo mälımetınşe, oqiǧanyŋ sebepterı men män-jailaryn anyqtau üşın jedel-tergeu toby qūrylǧan. Oqiǧa ornynda Işkı ıster ministrlıgı, Tötenşe jaǧdailar ministrlıgı jäne prokuratura qyzmetkerlerı jūmys jürgızıp jatyr.
«Qazırgı uaqytta barlyq jaǧdaidy jan-jaqty, tolyq ärı obektivtı anyqtauǧa baǧyttalǧan tergeu amaldary jürgızılude. Qajettı sot saraptamalary taǧaiyndalǧan»,– delıngen habarlamada.
Bas prokuratura tergeu barysy erekşe baqylauǧa alynǧanyn mälımdedı.
Būǧan deiın Kaspii jaǧalauyndaǧy oqu-jattyǧu kezınde toǧyz äskeri qyzmetker qaza tapqanyn jazǧan edık.
