Foto: Lara.kz
Maŋǧystau oblystyq balalar auruhanasynyŋ qabyldau bölımınde balanyŋ äkesı balalar hirurgıne şabuyl jasap, onyŋ tamaǧynan ūstaǧan. Oqiǧaǧa bailanysty polisiia qylmystyq ıs qozǧady, dep habarlaidy "Adyrna" portaly Lada.kz-ke sılteme jasap.
Auruhana qyzmetkerlerınıŋ mälımetınşe, janjal keşe bolǧan. Därıger kışkentai pasienttı tekserıp, onyŋ äkesıne medisinalyq qorytyndyny tüsındırgen. Balany auruhanaǧa jatqyzuǧa qajettılık bolmaǧan.
Alaida därıgerdıŋ şeşımıne kelıspegen äkesı aşuǧa berılıp, üsteldı teuıp, hirurgke tap bergen. Oqiǧa kuägerlerı er adamdy toqtatyp, därıgerdı araşalap qalǧan. Medisinalyq mekeme qyzmetkerlerı bırden polisiia şaqyrǧan.
Bügın balalar hirurgı jūmysqa qaita şyǧyp, kezekşılıgıne kırısken.
Äleumettık jelı qoldanuşylary därıgerge jasalǧan şabuyldy aiyptap, kınälı azamatty zaŋ aiasynda jauapqa tartudy talap ettı. Sondai-aq auruhanalardaǧy qauıpsızdık şaralaryn küşeitu qajettıgın atap öttı.
Maŋǧystau oblystyq Polisiia departamentınıŋ habarlauynşa, atalǧan derek boiynşa qylmystyq ıs qozǧalǧan. Qazır sotqa deiıngı tergep-tekseru jürgızılıp, oqiǧanyŋ män-jaiy men janjalǧa qatysuşylardyŋ äreketterı anyqtalyp jatyr.
