Aqtaudaǧy jaǧajailardyŋ bırınde er adam äieldı ūryp, mūrnyn syndyrǧany turaly BAQ betterınde aqparat tarady, dep habarlaidy “Adyrna” ūlttyq portaly Lada-ǧa sıltep.
Jeke jaǧajailardyŋ bırınde qūrbysy, äpkesı jäne balasymen demalyp jatqan tūrǧynǧa belgısız er adam şabuyl jasaǧan körınedı. Jäbırlenuşınıŋ sözınşe ol auyr jaraqat alǧan.
"Olar bızdı videoǧa tüsırıp, küldı. Äpkem olarǧa ūrysyp, janjal şyqty. Ol kezde men balamen otyrǧanmyn. Sosyn jaǧdaiǧa aralasyp, olardy tynyştandyru üşın jandaryna keldım. Sosyn aldymnan mas er adam şyǧyp, betımnen ūrdy. Jerge qūlap, mūrnym synyp, betım qanǧa boialdy. Ol sonda da toqtamai ūra berdı", - deidı äiel.Oqiǧa bolǧan sätte şapa şektım degen äieldıŋ äpkesı jūdyryq ala jügırgen er adamdy beinege tüsırıp alǧanyn aitady.
"Ol onyŋ telefonyn tartyp alyp, teŋızge laqtyryp jıberdı. Al qasynda tūrǧan jıgıtke kölıkten myltyq äkeludı būiyrdy. Osydan keiın polisiia şaqyrdyq. Sosyn ol ketıp qaldy", – deidı jäbırlendım degen äiel.Qyz auyr jaraqat alyp, auruhanada bır apta boiy jatqanyn aitty.
"Densaulyǧyma aitarlyqtai zaqym keldı. Mūryn synǧan, ūzyndyǧy 4,5 santimetr kesılgen. Menıŋşe onyŋ qolynda ötkır zat bolǧan siiaqty. Alaida poliseiler oǧan jeŋıl aiyp taǧyp otyr. Menıŋ oiymşa, tergeu dūrys jürgızılmedı. Osy uaqyt ışınde ol keşırım sūramady jäne ıstegen ısıne ökınbeitın körınedı", - deidı ol.Qazır qyzǧa qol kötergen küdıktı anyqtalǧanyn aitady. "Adyrna" ūlttyq portalynyŋ tılşısıne "ūlyma jala japty" degen aqparatpen Aqtau qalasynyŋ tūrǧyny habarlasty. Äiel ūlynyŋ qyzdy ūrmaǧanyn aityp, BAQ-qa jalǧan aqparatty taratpaudy sūraidy. Äieldıŋ sözınşe,"jäbırlendım" dep aiyp taqqan adamǧa ūly qol kötermegen. Odan bölek, ekınşı tarap "jäbırlenuşı" äieldıŋ mas küide bolǧanyn aitady. "Bolmaǧandy boldy qylyp, aq degenıŋe qara joq qylyp halyqqa aityp otyr. Būl oqiǧa 06.08.24 jyly “Dostar” teŋız jaǧalauynda oryn aldy. Jıgıttıŋ anasy, äpkesı jäne balalary demaluǧa keledı. Olar demalys aimaǧynda jalǧa berıletın ätkenşektı jaldaidy da, kezegı kelgenşe kütıp otyrady. Uaqyty kelıp ätkenşekke barsa, üş mas küidegı äiel kısıler kezektı saqtamai janjalmen otyryp alady. Jıgıttıŋ anasy men apasy eregıs tuyndatpau üşın olardyŋ tüskenın kütedı. Uaqyty bıtkesın ekı äiel kısı oryndy bosatady. Bıraq, myna videodaǧy äiel oryndy bosatpai taǧy da jaldaimyn dep ūrys şyǧarady. Öz ornyn sūraǧan tarapqa balaǧat sözder aityp, bylapyt sözderın jaudyrady. Jıgıttıŋ anasy videoǧa tüsırıp, ätkenşektı bosatuyn sūraidy. Videodaǧy äiel adam özınıŋ äpkesıne bolǧan jaitty aitady. Ol kısı bızge kelıp videony “nege tüsırdıŋder?-dep ūrys şyǧaryp, jıgıttıŋ äpkesın şaşynan tartyp suǧa tūnşyqtyrady. Araşa tüsken jıgıttıŋ anasyn iterıp qūlatyp töbeles bastaidy. Ony körgen jıgıt jaǧalaudan jügırıp kelıp aiyrmaqşy bolady. Sol sätte videodaǧy äiel ol jıgıttıŋ betınen ekı ret ūryp boqauyz sözderımen jıgıttıŋ aşuyna tiedı. Aşuǧa berılgen jıgıt äielge qol köteruge mäjbür bolady. Sosyn ekı äiel jıgıttıŋ anasyna taǧy qol köterıp denesıne ziian keltıredı. Sol sätte balalar jylap mazasyzdanǧan soŋ tezırek ketudı oilaidy. Sonda da ūrysty toqtatpai videoǧa tüsırıp “ketpeisıŋder”-dep artynan qalmaidy", - dep jazylǧan jıgıttıŋ anasy taratqan habarlamada. Äiel adam "balam bızdı qorǧamaq boldy, ol jūdyryqpen ūryp tastamasyn dep bölıp alyp kettım" deidı. Istıŋ qalai örbıp jatqany äzırge belgısız.
