Aqtaý qalasyndaǵy NIS-te «Nazarbaev Zııatkerlik mektepteri» DBBU 15 jyldyǵyna oraı «Mádenı dıalog: Qazaqstan jáne Ázerbaıjan» atty halyqaralyq forýmy ótti.
Sheteldegi mekteptermen yntymaqtastyqty arttyrý maqsatynda ótkizilgen forýmǵa Ázerbaıjandaǵy Azer jáne Natık Novrýzovtar atyndaǵy №36 mektep ókilderi arnaıy Qazaqstanǵa ushyp keldi. Sondaı-aq, sharaǵa «Ázerbaıjan ortalyǵy» qoǵamdyq qorynyń dırektory, Aqtaý qalasyndaǵy Ázerbaıjan Bas konsýlynyń keńesshisi, Sh.Esenov atyndaǵy Kaspıı tehnologııalar jáne ınjınırıng ýnıversıtetiniń «Halyqaralyq qatynastar» kafedrasynyń oqytýshysy Orýdjov Ilkın Iýsıf ogly, «Kaz Fruit» kompanııasy basshysy Safarov Zamın Djafarogly arnaıy qatysty.
«Seriktes mektepter» jobasy aıasyndaǵy forýmda sóz sóılegen Baký qalasyndaǵy Novrýzovtar atyndaǵy №36 mektep dırektory Djafarova Gıýlnara Afganqyzy bul júzdesý jańa jobalardyń bastaýyna aınalatyny anyq ekendigin aıtty.
- Bul jobanyń bizge de, sizge de bereri mol. Eki taraptyń jınaqtalǵan tájirıbeleri men bilimderin bólisý arqasynda jaqsy nátıjege qol jetkizemiz degen úmittemiz,-dedi №36 mektep dırektory Gıýlnara Djafarova
Eki taraptan da kóptegen usynystar aıtylyp, birqatar baǵytta mektep úshin de mańyzy bar máseleler talqylandy. Forým ashylý saltanaty sońynda ózara yntymaqtastyq týraly memorandýmǵa qol qoıyldy
- Eki jaqty qyzmetti jaqsartýǵa baǵyttalǵan yntymaqtastyq týraly memorandým aldaǵy ýaqytta birlesken jobalardy daıyndaý jáne ótkizýge úlken múmkindikter men jetistikterge jetkizetini sózsiz,- dedi Aqtaýdaǵy Nazarbaev Zııatkerlik mektebiniń dırektory Rınat Jýmabaev
Forým óte nátıjeli ótip, ózara múddeli taraptar baılanysty nyǵaıtýda birlese qyzmet etýge nıetti ekendikterin bildirip, alda tyǵyz baılanysta bolýǵa ýaǵdalasty.
Kezdesý sońynda qonaqtar arnaıy Ázerbaıjannan ákelgen aǵashty mektep aýlasyna otyrǵyzdy. Qazaqtyń ulttyq dástúrinde adamgershilikke baýlıtyn bul dástúr eki jaqtyń dostyǵy aǵash tamyryndaı jaıyla bersin degen nıette egildi.
