Şielıde mektep oquşylary arasyndaǧy töbeles soŋy ölımmen aiaqtalǧan bolatyn. Jaǧdaiǧa qatysty ministr tüsınıkteme berdı, dep habarlaidy "Adyrna" ūlttyq portaly.
Ǧani Beisembaev būl mäsele boiynşa barlyq öŋırdegı äkımnıŋ orynbasarlaryn jinap, şūǧyl jinalys ötkızgenın atap öttı.
Qyzylorda oblysynda 10-synyp oquşylary 9-synyp oquşysyna älımjettık körsetıp, ūryp öltırgen bolatyn. Qaiǧyly oqiǧadan keiın mekteptegı älımjettıkke qatysty mūǧalımder men poliseiler Qylmystyq kodekstıŋ normalaryn aityp, tüsındıru jūmysyn jürgızıp jatyr.
Jurnalist Oqu-aǧartu ministrıne «Jaqynda Jambyl oblysynda mektepte oquşy balany ūryp, saldarynan ol köz jūmdy. Sondai-aq keşe Qyzylorda oblysynda 10-synyp oquşylary 9-synyptyŋ oquşylaryn ūryp, bır bala qaitys boldy. Osy jaǧdaidy sız baqylauǧa aldyŋyz ba? Osyndai qaiǧyly jaǧdai bolmas üşın 8-11 synyp oquşylaryna Qylmystyq kodekstıŋ normalaryn tüsındıru kerek şyǧar? Sebebı, biyl mektepterde älımjettık jiılep ketken siiaqty» degen sūraq qoidy.
"Bız barlyq mäselenı aşyq talqylap, öŋırdegı äkımdıkterge naqty tapsyrma berıldı. Byltyr tamyzdyŋ soŋynda Oqu-aǧartu ministrlıgı tarapynan balalardyŋ qūqyǧyn qorǧau üşın keşendı baǧdarlama Ükımettıŋ qaulasymen qabyldandy. Osyǧan bailanysty älemdegı täjıribenı zerttep, bullingke qarsy eŋ tiımdı retınde joba findık jüienı jäne "Dos bolaiyq" jobasyn qarastyrdyq", - dedı ministr.Al Qyzylordadaǧy qaiǧyly oqiǧaǧa qatysty män-jaidy anyqtaǧanyn atap öttı.
"Keşe bırden äkımnıŋ orynbasaryna tıkelei telefon arqyly habarlasyp, bolǧan jaǧdaiǧa qatysty qandai şaranyŋ qoldanyp jatqanyn sūradym. Tek bır mektepke qatysty emes, aimaqtaǧy (basqa mektepterge) naqty qandai şaralar qoldanylatyny turaly bız jarty saǧattai äŋgımelestık. Mūndai jūmystar Pavlodar jäne Jambyl oblysyndaǧy äkımdıktermenen de arnaiy keşendı jospar qūru baǧytynda jūmystar qolǧa alynyp jatyr...", - dedı vedomstvo basşysy.Ministr mekteptegı älımjettıkke qatysty oquşylardyŋ bärıne tüsındırme jūmystary jürgızıletının de tılge tiek ettı.
"Biyldan bastap Ädılet ministrlıgı, Işkı ıster ministrlıgınıŋ mamandary osy qūqyqtyq zaŋdardy dūrys paidalanuǧa, sauattandyruǧa qatysty jūmysty bastap kettı. Būdan bölek, barlyq mektepte 111 senım telefony jūmys ısteidı. Oǧan kez kelgen bala habarlasa alady. Olar osyndai jaǧdaidy aityp, tiıstı şaǧymyn jasai alady", - dedı Ǧani Beisembaev.
Ūqsas jaŋalyqtar
