Aqtauda 18 jastaǧy aqyl-esı kemıstıgı bar jıgıttı zorlady degen küdıktı älı de anyqtalmaǧan. Jäbırlenuşınıŋ anasy qylmystyq ıstıŋ baiau tergelıp jatqanyn aityp, kınälı azamattyŋ bostandyqta jürgenıne narazy. Ol Işkı ıster ministrlıgınen ıstı erekşe baqylauǧa aludy talap etude, dep habarlaidy "Adyrna" ūlttyq portaly.
İnformbiuro jaŋalyqtar qyzmetınıŋ aqparatynşa, belgısız er adam ony köşeden kölıgıne otyrǧyzyp alyp ketıp, teŋız jaǧasyna aparyp, zorlaǧan. Keiın dalaǧa tastap, qaşyp ketken. Oqiǧa 27 jeltoqsanda bolǧan.
Jäbırlenuşınıŋ anasy Orazgül Qonysova tärtıp saqşylarynyŋ äreketıne köŋılı tolmaitynyn jetkızdı. Onyŋ aituynşa, tergeu bastalǧanyna bır aidan assa da, küdıktınıŋ jeke basy anyqtalmaǧan.
Maŋǧystau oblystyq polisiia departamentınıŋ mälımetınşe, Qylmystyq kodekstıŋ 121-baby ("Seksualdyq sipattaǧy zorlyq-zombylyq äreketterı") boiynşa tergeu jürgızılude. Qajettı saraptamalar taǧaiyndalyp, beinebaqylau kameralaryndaǧy jazbalar zerttelıp jatyr. Polisiia qylmystyq ıstıŋ departament basşylyǧynyŋ baqylauynda ekenın mälımdedı. Qazırgı uaqytta küdıktını anyqtau jäne ūstau şaralary jalǧasyp jatyr.
Al advokat Ajar Äbdıl Aqtauda bala kezınen mügedektıgı bar 18 jastaǧy jıgıttıŋ ısınde köptegen tüsınıksız jaittar bar ekenın habarlady. Qorǧauşy qūqyq qorǧau organdary būl oqiǧaǧa qatysty tüsınıkteme berıp, jan-jaqty tergeu jürgızedı dep ümıttenetının aitty.
"28 jeltoqsanǧa qaraǧan tünı, şamamen 02:00-de, jäbırlenuşınıŋ anasynyŋ aituynşa, ol polisiiaǧa baryp, qylmys turaly aryz jazbaq bolǧan. Alaida onyŋ aryzy qabyldanbaǧan. Ol ūlymen bırge üiıne qaityp keledı. Keiın, şamamen 04:00-de, ony polisiia tergeuge alyp ketedı. Degenmen jäbırlenuşınıŋ proktolog mamannan tekseruden ötuı tek 2025 jylǧy 2 qaŋtarda, iaǧni zorlyqtan bes kün ötkennen keiın ǧana jürgızılgen. Mūndai maŋyzdy jaittarǧa qalaişa osynşalyq nemqūraidy, jauapsyz qarauǧa bolady?
Men polisiia būl mäselege tüsınıkteme berıp, jan-jaqty tergeu jürgızedı dep şyn jürekten sengım keledı. Jäbırlenuşınıŋ anasynda bırde-bır prosessualdyq qūjat joq. Bız būl ıstıŋ qalai jürıp jatqany turaly müldem beihabarmyz. Polisiia departamentı barlyq saraptama taǧaiyndaldy dep tüsınıkteme berıp jatyr, bıraq jäbırlenuşıge qatysty sot-psihologiialyq saraptama älı jürgızılgen joq. Būl standartty prosedura ǧoi. Kez kelgen kursant jeke tūlǧaǧa qarsy qylmys jasalǧan jaǧdaida sot-psihologiialyq saraptama taǧaiyndau mındettı ekenın jatqa bıledı. Būl ıs boiynşa köptegen tüsınıksız jaittar bar", - deidı Ajar Äbdıl äleumettık jelıdegı paraqşasynda.
Ūqsas jaŋalyqtar
