Almatydaǧy mekteptıŋ bırınde 62 jastaǧy küzetşı oquşy qyzdy zorlamaq bolǧan. Būl turaly Astana telearnasy mälımdedı, dep habarlaidia “Adyrna” ūlttyq portaly.
Aqparat boiynşa, bılım ordasyna kırebergende küzetşı qyzdy küşpen ūstap, ozbyrlyq körsetken. Al mektep äkımşılıgı būl ıstı jyly jauyp qoiǧysy kelgen körınedı. Ata-analar jinalǧan bette direktor syrtqy esıkten qaşyp kettı deidı.
Oqiǧa Almaty qalasy Alatau audany Qarasu şaǧynaudanynda ornalasqan №160 orta mektepte bolǧan. Jelıde oqiǧa turaly aitqan äieldıŋ videosy tarady.
Būl qalai boldy? Mūǧalım oquşy qyzǧa qoŋyrau şalyp, oǧan bır zat beretının aitady. Alaida qyzdy kütpesten zatty küzetke qaldyryp ketedı. Qyz oqu ornyna kelgende mas küzetşı bar eken. Bızde onyŋ kışkentai qyzǧa tiısıp, özıne qarai tartyp, süiıp jatqan videosy bar. Qūdaiǧa şükır, qyz odan qaşyp qūtylady, — deidı ata-analardyŋ bırı.Qalalyq bılım basqarmasy būl faktıge qatysty şūǧyl şaralar qabyldanǧanyn mälım ettı.
№160 orta mektepte qauıpsızdık qyzmetın körsetetın «Altyn älem grupp» kompaniiasyna mektep äkımşılıgı tiıstı hattama toltyrdy. Sonymen qatar, atalǧan serıktestıkke kelısım-şartty būzu turaly şaǧym men habarlama joldandy. Qazırgı uaqytta küzetşınıŋ üstınen qylmystyq ıs qozǧaldy, küdıktı 15 täulıkke qamauǧa alyndy, - dep atap öttı bılım basqarmasynyŋ baspasöz qyzmetı.Sondai-aq, Almaty qalalyq Polisiia departamentı Alatau audandyq polisiia basqarmasynda QR Qylmystyq kodeksınıŋ 124-baby 1-bölıgı boiynşa qylmystyq ıs tergelıp jatqanyn habarlady. Saraptama taǧaiyndaldy. Jaǧdai anyqtaluda.
