Mysyqqa qatygezdik jasaǵany úshin Aqtaý turǵyny sotta 100 saǵat qoǵamdyq jumysqa tartyldy, dep habarlaıdy «Adyrna» ulttyq portaly.
Stan.kz aqparat agenttiginiń málimetinshe, 2023 jylǵy 12 qazanda Aqtaý qalalyq sotynda janýarǵa qatygezdik kórsetip, onyń ólimine ákep soqqan A.-ǵa qatysty Qazaqstan Respýblıkasy QK-niń 316-babynyń 2-bóligimen qylmystyq is qaralǵan.
Sot anyqtaǵandaı, 2023 jyldyń 18 qyrkúıeginde shamamen saǵat 21:10-da sottalýshy mysyqtyń basynan jáne denesinen shvabramen urǵan. Sodan keıin ol janýardy úıdiń aldyna tastap ketken. Sottalýshynyń zańsyz áreketiniń saldarynan mysyq ólip qalǵan.
Prokýror sottalýshyny 100 saǵat qoǵamdyq jumysqa tartýdy surady. Aıyptalýshy óz kinásin tolyq moıyndady.
«Janýarǵa qatygezdikpen qaraý, onyń ólimine ákep soqqany úshin 200 AEK-ke deıingi mólsherde aıyppul salýdy, ne 200 saǵatqa deıin qoǵamdyq jumysqa tartý nemese 50 táýlikke deıingi merzimge qamaýǵa alýdy kózdeıdi», – delingen habarlamada.
Sottalýshynyń kinási odan jaýap alý hattamasymen, sondaı-aq kýágerdiń aıǵaqtarymen jáne mal dárigeriniń qorytyndysymen dáleldendi.
Jaýapkershilik pen jazany aýyrlatatyn mán-jaılar anyqtalǵan joq.
«Sot úkimimen sottalýshy Qazaqstan Respýblıkasy Qylmystyq kodeksiniń 316-babynyń 2-bóliginde kózdelgen qylmysty jasaǵany úshin kináli dep tanylyp, oǵan 100 saǵat merzimge qoǵamdyq jumystarǵa tartý túrindegi jaza taǵaıyndaldy. Úkim zańdy kúshine engen joq», – dep habarlady sottyń baspasóz qyzmeti.
«Adyrna» ulttyq portaly
