Sätbaev qalasynda qarşadai qyz zorlandy dep jappai tärtıpsızdık jasaǧandar sot aldynda jauap bere bastady. Būzaqylyq jasady degen aiyppen 57 adam jauapkerşılıkke tartyluda. Al bes jasar qyzdy zorlady degen küdıkpen taǧy ekı azamat sūralyp jatyr, dep habarlaidy «Adyrna» tılşısı «KTK» arnasyna sılteme jasap.
Tereu mälımetınşe, qarşadai qyzdy päterge 62 jastaǧy üi iesı kırgızıp alǧan. Beikünä balanyŋ tuystary men körşılerı qyzdy ızdei bastaǧanda, päter iesı de tük bolmaǧandai solarmen bırge jürgen. Söitse ol qorǧansyz qyzǧa därı berıp ūiyqtatyp tastaǧan. Aqyry küdık tuǧyzǧan päterge erıktıler men poliseiler basyp kırıp, qyzdy tösektıŋ astynan es-tüssız küiınde tapty. Osydan keiın jinalǧan jūrt päter qojaiynyn özımız jazalaimyz dep, arty jappai tärtıpsızdıkke ūlasqan.
Köp uaqyt ötpei, küdıktı ötken jyldyŋ qaraşa aiynda tergeu abaqtysynda asylyp öldı. Al onyŋ qasynda qonaqqa kelgen erlı-zaiyptylardyŋ bolǧany belgılı boldy. Endı sotta osy ekeuı jauap berude. Al qalanyŋ astaŋ-kesteŋın şyǧaryp būzaqylyq jasaǧandardyŋ arasynda kämeletke tolmaǧandar da bar eken. Sondyqtan olardyŋ ısın iuvinaldy sot qaraidy.
«Bügıngı künı atalǧan ıs boinyşa 57 küdıktı ötıp jatyr. Olardyŋ 44-ıne būltartpau şarasy, qamauda ūstau şarasy qoldanylǧan. Beseuı – üiqamaqta, üşeuı ata-ananyŋ qarauyna berılgen, ekeuı eşqaida ketpeu jönınde qolhat jäne üş adam ızdeude jürgen. Onyŋ bıreuı anyqtaldy»,-dedı Qaraǧandy oblystyq prokuraturasynyŋ basqarma prokurory Nūrsūltan Qadyrbai.
«Adyrna» ūlttyq portaly
Ūqsas jaŋalyqtar
