Maqsut Narikbayev University janyndaǵy MIND taldaý ortalyǵy júrgizgen zertteý aıasynda Astana jáne Almaty qalalaryndaǵy qylmystardyń jartysynan kóbi óte shekteýli aımaqtarda oryn alatyny anyqtaldy. Atap aıtqanda Astanada qylmystardyń 50%-dan astamy qala aýmaǵynyń 3% aýmaǵynda, al Almatyda bul kórsetkish 5% terrıtorııada bolatyny dáleldendi.
Ádette adamdar Astanadaǵy eń qaýipti jerler dep – Saryarqa aýdany nemese «Lesozavod», «Kırpıchnyı» sııaqty aýdandar men «Artem», «Álem» bazarlarynyń aımaǵy dep sanaıdy. Onymen qosa, qoǵamda vokzal aýdany qaýipti degen oı qalyptasqan. Alaıda sarapshylardyń daıyndaǵan zertteýleri men statıstıkalary múldem basqa málemetterdi kórsetedi. Astanada qylmystar L.N. Gýmılev EUÝ kampýsynyń aýdanynan bastap Abylaı han dańǵylynyń boıyna deıin, sondaı-aq «Han Shatyr» jáne «Kerýen» SOO aýmaqtarynda jıi oryn alady eken. Al Almaty qalasynda qylmystardyń jıi oryn alatyn negizgi núkteleri – adamdar kóp jınalatyn oryndar – ıaǵnı, vokzaldar, mamandyrylǵan HQKO, bazarlar; demalysqa arnalǵan oryndar, tyǵyz ornalasqan turǵyn úı aýdandary taǵy sol sııaqty. Bul rette analıtıkter qalanyń taý bókterindegi aýdandarynda halyqtyń tyǵyzdyǵy tómen jáne áleýmettik-ekonomıkalyq mártebesi joǵary bolǵandyqtan qylmystar sırek jasalady degen boljamǵa keledi. Biraq Medeý kesheni aımaǵynda qylmystyń birshama ósýi baıqalady.
Aıta ketý kerek, Astanada zorlyq-zombylyq qylmystary negizinen qoǵamdyq oryndarda, JOO-y men medıınalyq mekemelerdi qosa eseptegen kezde oryn alady (37,7%). Keıingi kezekte kóp páterli úıler (16,9%) jáne jeke turǵyn úı sektorlarynda (8,5%). Al Almaty qalasynda zorlyq-zombylyq qylmystarynyń jartysy kóshelerde (50,1%), jeke turǵyn úı keshenderinde (13,5%), kópqabatty úılerde (5,7%) jasalady.
Atalǵan analıtıkalyq zertteýlermen bizdiń saıtta tolyǵyraq tanysa alasyzdar: https://kazguu.kz/wp-content/uploads/2024/02/Serebrennikov_Kusmanova_Hotspot.html
Qosymsha aqparat: +7 (747) 912-12-89 (Almas), +7 (776) 107-01-76 (Gúljanat)
e-mail: PR@kazguu.kz
