Foto: Beineden skrin
Äleumettık jelılerde «Samūryq-Qazyna» AQ basqarma töraǧasy Nūrlan Jaqypov pen «Qazaqstan temır joly» ŪK» AQ basşysy Eljas Otynşievtıŋ ūstalǧan sätı beinelengen foto jäne videolar tarady, dep habarlaidy “Adyrna”.
Taraǧan kadrlardyŋ bırınde Nūrlan Jaqypovqa ūqsaityn er adamnyŋ üi kiımımen esık aldynda tūrǧany körınedı. Al onyŋ aldynda qūqyq qorǧau organdarynyŋ qyzmetkerlerı boluy mümkın bırneşe adam bar. Oqiǧa beinejazbaǧa tüsırılgen.
Al basqa kadrlarda Eljas Otynşiev dep körsetılgen er adamdy azamattyq kiımdegı bırneşe adamnyŋ köşede alyp bara jatqany baiqalady.
Äzırge foto jäne videolardyŋ qaidan taraǧany, olardy kım tüsırgenı belgısız.
Eske salaiyq, 12 qaraşada Ūlttyq qauıpsızdık komitetı 11 qaraşada sybailas jemqorlyqqa qarsy qyzmet «Samūryq-Qazyna» AQ basqarma töraǧasy Nūrlan Jaqypovty, «Qazaqstan temır joly» ŪK» AQ basşysy Eljas Otynşievtı jäne özge de tūlǧalardy ūstaǧanyn rastady.
