2025 jyldyŋ 27 mausymynda Reseidıŋ Ekaterinburg qalasynda bolǧan oqiǧa halyqaralyq rezonans tudyrdy. Äzerbaijannyŋ Bas prokuraturasy Resei qūqyq qorǧau organdary tarapynan Äzerbaijan azamattaryna qatysty qatygezdık pen azaptau faktılerı boiynşa qylmystyq ıs qozǧaǧanyn mälımdedı. Būl turaly Report agenttıgı jazdy, dep habarlaidy “Adyrna”.
Aldyn ala tergeu derekterıne säikes, 27 mausym künı taŋerteŋ Ekaterinburg qalasynda Reseidıŋ Ūlttyq gvardiiasy, IIM jäne FQQ-nıŋ Sverdlov oblysy boiynşa bölımşelerı bırlesıp jedel-ızdestıru şaralaryn ötkızgen. Būl ıs-şara barysynda Ekaterinburgtegı ärtürlı mekenjailarda tūratyn Äzerbaijan azamattary būryn jasalǧan qylmystarǧa qatysy bar degen küdıkpen ūstalǧan.
Ūstalǧan azamattardyŋ erkındıgı şektelıp, olardy ūstau, tasymaldau jäne äkımşılık ǧimarattarda ūstau kezınde Resei qūrylymdarynyŋ qyzmetkerlerı olardyŋ denesınıŋ ärtürlı bölıkterıne bırneşe ret soqqy jasaǧan. Küdıktıler azaptauǧa ūşyrap, auyr dene jaraqattaryn alǧan.
Saldarynan, 60 jastaǧy Äzerbaijan azamaty, ūsaq käsıppen ainalysqan Gusein Safarov jergılıktı uaqyt boiynşa şamamen 15:00-de Ekaterinburgtegı IIM äkımşılık ǧimaratynda köz jūmdy. Onyŋ ınısı – 55 jastaǧy taksi jürgızuşısı Ziiaddin Safarov ta sol künı taŋerteŋ jedel toptyŋ qyzmettık kölıgınde asa qatygezdıkpen öltırılgen.
Sot-medisinalyq saraptama nätijesı boiynşa, Gusein Safarov köptegen jaraqat, sonyŋ ışınde bırneşe qabyrǧa synyqtary saldarynan tuyndaǧan jaraqattyq jäne qan ketuden köz jūmǧan. Ziiaddin Safarov ta köptegen dene jaraqatynyŋ saldarynan qaitys bolǧan.
Sol operasiia aiasynda ūstalǧan basqa da Äzerbaijan azamattaryna ärtürlı auyrlyqtaǧy dene jaraqattary salynǧany anyqtaldy, qazırgı uaqytta olar Reseidegı medisinalyq mekemelerde em qabyldauda.
Jinalǧan materialdar negızınde Äzerbaijannyŋ Bas prokurory Qylmystyq kodekstıŋ 12.2 (el aumaǧynan tys jerde Äzerbaijan azamatyna qarsy jasalǧan qylmys), 120.2.1 (toppen jasalǧan qasaqana kısı öltıru), 120.2.4 (asa qatygezdıkpen nemese qoǧamdyq qauıp töndıretın täsılmen jasalǧan kısı öltıru), 120.2.7 (ekı nemese odan da köp adamdy öltıru), 120.2.9 (aldyn ala kelısım boiynşa jasalǧan kısı öltıru), 309.2 (auyr saldarǧa äkep soqqan qyzmettık ökılettıktı asyra paidalanu), 293.3 (ölımge äkep soqqan azaptau nemese basqa da qatygez, adamgerşılıkke jatpaityn nemese qadır-qasiettı qorlaityn ıs-äreket nemese jaza) baptary boiynşa qylmystyq ıs qozǧady.
Aldyn ala tergeu Äzerbaijan Bas prokuraturasynyŋ Tergeu basqarmasyna tapsyryldy. Arnaiy tergeu toby qūrylyp, belsendı tergeu äreketterı jürgızılude. Bas prokuratura būl ıstı tiımdı tergeu jäne kınälılerdı jauapqa tartu maqsatynda halyqaralyq qūqyq normalaryna säikes özge memleketterge qūqyqtyq kömek körsetu turaly sūranystar joldaidy.
Sonymen qatar, Äzerbaijan azamattaryna qatysty jasalǧan qatygez äreketterge bailanysty Reseimen bailanysty bırqatar konsertter men mädeni ıs-şaralar toqtatylǧan. Būl turaly aqparatty iTicket.az taratty.
Mälımetke säikes, kelesı ıs-şaralar toqtatyldy:
- Yumor Fest (18.07.2025, Sea Breeze Resort);
- Basta konsertı (30.08.2025, Sea Breeze Resort);
- «Şelkunchik» baletı (11.10.2025, Geidar Äliev saraiy);
- «Aqqu kölı» baletı (11.10.2025, Geidar Äliev saraiy);
- Sergei Bezrukovtyŋ konsertı (17.10.2025, Geidar Äliev saraiy);
- «Romeo men Djuletta» baletı (12.10.2025, Geidar Äliev saraiy);
- «Diuimovochka» baletı (12.10.2025, Geidar Äliev saraiy);
- Evgenii Siniakovtyŋ stendap şouy (01.11.2025, Opera studiiasy);
- Leonid Agutin men Anjelika Varumnyŋ konsertı (23.11.2025, Geidar Äliev saraiy);
- «Master i Margarita» flamenko-spektaklı (20.12.2025, Opera studiiasy);
- «Şelkunchik» flamenko-baletı (20–21.12.2025, Opera studiiasy).
Äzerbaijanda Reseidıŋ memlekettık jäne jekemenşık ūiymdary arqyly josparlanǧan barlyq mädeni ıs-şaralar — konsertter, festivalder, spektaklder, körmeler jäne basqa da şaralar — toqtatylatyny turaly eldıŋ Mädeniet ministrlıgı mälımdedı.
«Ekaterinburg qalasynda Resei qūqyq qorǧau organdary tarapynan äzerbaijan ūltyna etnikalyq negızde jasalǧan demonstrativtı, maqsatty jäne sotsyz öltıruler men zorlyq-zombylyq aktılerın, sondai-aq mūndai oqiǧalardyŋ soŋǧy uaqytta jüielı sipat ala bastaǧanyn eskere otyryp, Reseidıŋ memlekettık jäne jekemenşık ūiymdary arqyly Äzerbaijanda ötkızılmek bolǧan barlyq mädeni ıs-şaralar – konsertter, festivalder, spektaklder, körmeler jäne basqalar – toqtatylady», – delıngen habarlamada.
Biletterdı qaitaru üşın azamattarǧa satu oryndary men onlain platformalarǧa jügınuge bolatyny atap ötıldı.
