«Jibek joly» jáne «Atameken» keden beketterinde Qazaqstan, Reseı, Tájikstan azamattaryna ákimshilik is qozǵaldy. Bul týraly Túrkistan oblysy boıynsha memlekettik kirister departamenti málimdedi, dep habarlaıdy “Adyrna” ulttyq portaly.
Departamenttiń málimetinshe, olar Qazaqstan zańnamasyndaǵy qolma-qol aqshany alyp ketýge qoıylǵan shekteýdi buzbaq bolǵan.
«6 maýysymda «Jibek joly» keden beketi arqyly Ózbekstan baǵytyndaǵy jolaýshylar termınalynda qoljúgin rentgen-televızıondyq qurylǵy arqyly tekserý kezinde, Tájikstan azamatynan kedendik deklaraııada kórsetilmegen qolma-qol 19 500 AQSh dollary anyqtaldy. Oǵan ÁQBK-niń 545-baby boıynsha is qozǵaldy», - dep jazdy vedomstvodan.
Osyǵan deıin, 18 mamyrda «Atameken» keden beketinde ózimen birge 10 myń dollar, 82 500 teńge jáne 1 798 000 ózbek somyn alyp ótpek bolǵan Qazaqstan azamaty ustalǵan. Oǵan keden beketi men UQK shekara qyzmetkerleri birlesip tosqaýyl qoıdy. Bul derek boıynsha jınaqtalǵan ákimshilik is Maqtaaral aýdandyq sotyna joldandy. Túrkistan oblysy boıynsha memlekettik kirister departamenti 20 mamyry kúni osy keden beketinde oryn alǵan oqıǵany da málimdedi. Kedendik baqylaý kezinde Reseı azamaty ózimen birge 13 800 AQSh dollary men 88 000 teńgeni Ózbekstanǵa alyp ótý barysynda anyqtalǵan. Is Maqtaaral aýdandyq sotyna joldandy.
”Adyrna” ulttyq portaly
