Maqsut Narikbayev University جانىنداعى MIND تالداۋ ورتالىعى جۇرگىزگەن زەرتتەۋ اياسىندا استانا جانە الماتى قالالارىنداعى قىلمىستاردىڭ جارتىسىنان كوبى وتە شەكتەۋلى ايماقتاردا ورىن الاتىنى انىقتالدى. اتاپ ايتقاندا استانادا قىلمىستاردىڭ 50%-دان استامى قالا اۋماعىنىڭ 3% اۋماعىندا، ال الماتىدا بۇل كورسەتكىش 5% تەرريتوريادا بولاتىنى دالەلدەندى.
ادەتتە ادامدار استاناداعى ەڭ قاۋىپتى جەرلەر دەپ – سارىارقا اۋدانى نەمەسە «لەسوزاۆود»، «كيرپيچنىي» سياقتى اۋداندار مەن «ارتەم»، «الەم» بازارلارىنىڭ ايماعى دەپ سانايدى. ونىمەن قوسا، قوعامدا ۆوكزال اۋدانى قاۋىپتى دەگەن وي قالىپتاسقان. الايدا ساراپشىلاردىڭ دايىنداعان زەرتتەۋلەرى مەن ستاتيستيكالارى مۇلدەم باسقا مالەمەتتەردى كورسەتەدى. استانادا قىلمىستار ل.ن. گۋميلەۆ ەۇۋ كامپۋسىنىڭ اۋدانىنان باستاپ ابىلاي حان داڭعىلىنىڭ بويىنا دەيىن، سونداي-اق «حان شاتىر» جانە «كەرۋەن» سوو اۋماقتارىندا ءجيى ورىن الادى ەكەن. ال الماتى قالاسىندا قىلمىستاردىڭ ءجيى ورىن الاتىن نەگىزگى نۇكتەلەرى – ادامدار كوپ جينالاتىن ورىندار – ياعني، ۆوكزالدار، ماماندىرىلعان حقكو، بازارلار; دەمالىسقا ارنالعان ورىندار، تىعىز ورنالاسقان تۇرعىن ءۇي اۋداندارى تاعى سول سياقتى. بۇل رەتتە اناليتيكتەر قالانىڭ تاۋ بوكتەرىندەگى اۋداندارىندا حالىقتىڭ تىعىزدىعى تومەن جانە الەۋمەتتىك-ەكونوميكالىق مارتەبەسى جوعارى بولعاندىقتان قىلمىستار سيرەك جاسالادى دەگەن بولجامعا كەلەدى. بىراق مەدەۋ كەشەنى ايماعىندا قىلمىستىڭ ءبىرشاما ءوسۋى بايقالادى.
ايتا كەتۋ كەرەك، استانادا زورلىق-زومبىلىق قىلمىستارى نەگىزىنەن قوعامدىق ورىنداردا، جوو-ى مەن مەديتسينالىق مەكەمەلەردى قوسا ەسەپتەگەن كەزدە ورىن الادى (37,7%). كەيىنگى كەزەكتە كوپ پاتەرلى ۇيلەر (16,9%) جانە جەكە تۇرعىن ءۇي سەكتورلارىندا (8,5%). ال الماتى قالاسىندا زورلىق-زومبىلىق قىلمىستارىنىڭ جارتىسى كوشەلەردە (50,1%), جەكە تۇرعىن ءۇي كەشەندەرىندە (13,5%), كوپقاباتتى ۇيلەردە (5,7%) جاسالادى.
اتالعان اناليتيكالىق زەرتتەۋلەرمەن ءبىزدىڭ سايتتا تولىعىراق تانىسا الاسىزدار: https://kazguu.kz/wp-content/uploads/2024/02/Serebrennikov_Kusmanova_Hotspot.html
قوسىمشا اقپارات: +7 (747) 912-12-89 (الماس), +7 (776) 107-01-76 (گۇلجانات)
e-mail: PR@kazguu.kz
