فوتو جي كومەگىمەن جاسالعان
قازاقستاننىڭ ون وڭىرىندە اۆتوكولىكتەردى ەل اۋماعىنان زاڭسىز شىعارۋ ىسىنە قاتىسى بار 48 ادام ۇستالدى، دەپ حابارلايدى “ادىرنا”.
بۇل تۋرالى ءىىم حابارلادى.
تەرگەۋ نۇسقاسىنا سايكەس، كۇدىكتىلەر اۆتوكولىكتەردى بانكتەر مەن ميكروقارجى ۇيىمدارى ارقىلى جالعان تۇلعالاردىڭ اتىنا كەپىلگە راسىمدەگەن. كەيىن كولىكتەردى قايتا ساتۋ ماقساتىندا شەتەلگە شىعارعان. الدىن الا مالىمەت بويىنشا، وسى سحەما ارقىلى ەلدەن 56 اۆتوكولىك اكەتىلگەن.
قىلمىستىق توپتىڭ زاڭسىز ارەكەتىنە توسقاۋىل قويۋ ماقساتىندا ىشكى ىستەر مينيسترلىگى قىزمەتكەرلەرى ءبىر مەزگىلدە ەلىمىزدىڭ ون وڭىرىندە ارنايى وپەراتسيا جۇرگىزدى.
وپەراتسيا ناتيجەسىندە 48 ادام پوليتسيا ورگاندارىنا جەتكىزىلدى. ولاردىڭ التاۋى قىلمىستىق توپتىڭ ۇيىمداستىرۋشىلارى بولۋى مۇمكىن دەگەن كۇدىكپەن ۋاقىتشا ۇستاۋ يزولياتورىنا قامالدى.
قازىر ءىستىڭ بارلىق ءمان-جايى انىقتالىپ، شەتەلگە شىعارىلعان اۆتوكولىكتەردى ىزدەستىرۋ شارالارى جۇرگىزىلىپ جاتىر.
تەرگەۋ ىشكى ىستەر مينيسترلىگىنىڭ باقىلاۋىندا ەكەنى حابارلاندى.
