فوتو:Astanovka98
استاناداعى ايتماتوۆ كوشەسىندە ەۆاكۋاتور جۇرگىزۋشىسى اۆتوبۋس ايالداماسىنا سوعىلدى. جول-كولىك وقيعاسى ورنىنان تۇسىرىلگەن كادرلار Astanovka98 Telegram ارناسىندا جاريالانعان، دەپ حابارلايدى “ادىرنا”.
ەلوردا پوليتسيا دەپارتامەنتى وكىلدەرىنىڭ ايتۋىنشا، اپات «پامير» تۇرعىن ءۇي كەشەنى ماڭىندا بولعان.
«ەۆاكۋاتور جۇرگىزۋشىسى ايتماتوۆ كوشەسىمەن قوزعالىپ كەلە جاتىپ، كولىكتى باسقارا الماي قالىپ، ايالداماعا جانە باسقا دا ينفراقۇرىلىم نىساندارىنا سوعىلدى. جول اپاتى سالدارىنان ەشكىم زارداپ شەككەن جوق»، – دەلىنگەن حابارلامادا.
سونداي-اق پوليتسيا جۇرگىزۋشىنىڭ اكىمشىلىك جاۋاپكەرشىلىككە تارتىلعانىن جانە كەلتىرىلگەن شىعىندى وتەۋگە مىندەتتەلگەنىن حابارلادى.
ۇقساس جاڭالىقتار
