فوتو: gov.kz
الماتى حالىقارالىق اۋەجايىندا قۇرىلىس جۇمىستارى كەزىندە قايعىلى وقيعا بولىپ، مەردىگەر كومپانيانىڭ ءبىر قىزمەتكەرى كوز جۇمدى. بۇل تۋرالى اۋەجايدىڭ ءباسپاسوز قىزمەتى مالىمدەدى، دەپ حابارلايدى "ادىرنا".
اۋەجاي وكىلدەرىنىڭ حابارلاۋىنشا، وقيعا پەرروننىڭ قۇرىلىس جۇمىستارى جۇرگىزىلىپ جاتقان اۋماعىندا بولعان.
«الماتى اۋەجايى ۋاكىلەتتى مەملەكەتتىك ورگاندارعا قاجەتتى كومەك كورسەتىپ، تەرگەۋ جۇمىستارى اياسىندا ولارمەن بىرلەسىپ ارەكەت ەتىپ جاتىر»، – دەلىنگەن رەسمي حابارلامادا.
سونداي-اق ءباسپاسوز قىزمەتى تەرگەۋ اياقتالعانعا دەيىن وقيعانىڭ ءمان-جايىنا قاتىستى قوسىمشا اقپارات بەرە المايتىنىن اتاپ ءوتتى.
الماتى حالىقارالىق اۋەجايىنىڭ اكىمشىلىگى مارقۇمنىڭ وتباسى مەن جاقىندارىنا كوڭىل ايتىپ، قايعىسىنا ورتاقتاستى.
ۇقساس جاڭالىقتار
