ىشكى ىستەر ءمينيسترىنىڭ ورىنباسارى يگور لەپەحا مارقۇم سالتانات نۇكەنوۆانىڭ اناسىنىڭ قۋاندىق بيشىمباەۆ تۋرالى جاس بالانى قاعىپ ءولتىردى دەگەن مالىمدەمەسىنە قاتىستى پىكىر ءبىلدىردى، - دەپ حابارلايدى “ادىرنا” ۇلتتىق پورتالى.
بۇرىن حابارلانعانداي، ءوزىنىڭ ايەلى سالتانات نۇكەنوۆانى ازاپتاپ ءولتىردى دەپ ايىپتالعان بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ ءىسى بويىنشا سوت وتىرىسىندا مارقۇمنىڭ اناسى بيشىمباەۆتىڭ بۇرىن قىلمىس جاساعانىن مالىمدەگەن بولاتىن.
ءماجىلىس كۋلۋارىندا وسى ءىس بويىنشا ىشكى ىستەر ءمينيسترىنىڭ ورىنباسارى يگور لەپەحاعا ساۋال قويىلدى.
«ناقتى ايتقىم كەلمەيدى، بىراق بۇل اقپارات راستالعان جوق. ءبىز مارقۇم ايەلدىڭ (سالتانات نۇكەنوۆا – جۋرناليست) تۋىستارىمەن، نەگىزىنەن ىنىسىمەن سويلەستىك. دەرەكتىڭ قايدان شىققانىن سۇرادىق، تەكسەردىك. بىراق ول جەردە باسقا ءىس تۋرالى ايتىلعان»، - دەدى يگور لەپەحا.
