قازاقستاندا ترانسۇلتتىق ۇيىمداسقان قىلمىستىق توپتىڭ (ۇقت) ەسىرتكى ارناسى جويىلدى، دەپ حابارلايدى “ادىرنا” ۇلتتىق پورتالى قر ءىىم رەسمي ينتەرنەت-رەسۋرسىنا سىلتەپ.
«ىشكى ىستەر مينيسترلىگى ترانسۇلتتىق ۇيىمداسقان قىلمىستىق توپتىڭ سينتەتيكالىق ەسىرتكىنى ءوندىرۋ جانە تاراتۋ ارناسىن جويدى. پوليتسيا ءۇش شەتەلدىككە قاتىستى ترانسۇلتتىق ۇيىمداسقان توپ قۇرۋ، وعان جەتەكشىلىك ەتۋ جانە وعان قاتىسۋ فاكتىسى بويىنشا قىلمىستىق ءىس قوزعادى»، - دەلىنگەن سارسەنبى كۇنى تاراتقان حابارلامادا.
كۇدىكتىلەر اقمولا وبلىسى ەرەيمەنتاۋ قالاسىنىڭ ىرگەسىندەگى پسيحوتروپتىق زاتتاردىڭ انالوگتارى زاڭسىز دايىندالىپ، ساقتالاعان كۇدىكتىلەردىڭ ءبىرى جالداعان ۋاقىتشا جەكە ۇيدە ۇستالدى.
«ءار قاتىسۋشىنىڭ رولدەرى، تاپسىرمالارى جانە ناقتى ارەكەتتەرى توپ مۇشەلەرى اراسىندا ناقتى ءبولىندى. دارىلىك زەرتحانا زاماناۋي سالقىنداتۋ جانە جەلدەتۋ جۇيەلەرىمەن، سونداي-اق «سينتەتيكا» وندىرۋگە ارنالعان جابدىقتارمەن جابدىقتالعان. ەسىرتكىلەر قاتاڭ قۇپيالىلىق جاعدايىندا دايىندالعان. قاتىسۋشىلار كورشىلەرىن الداپ، وتە قاجەت بولعان جاعدايدا عانا ۇيدەن شىعۋعا ماشىقتانعان. بەينەباقىلاۋ كامەرالارى ءۇي الاڭىنىڭ پەريمەترى بويىنشا ۇيىمداستىرۋشىعا Wi-Fi شىعىسىمەن ورناتىلدى. سونىمەن قاتار، شيكىزات پەن دايىن پرەپاراتتاردى ساقتاۋعا ارنالعان گاراج، اۆتوكولىك ساتىپ العان. ساتىپ الىنعان مۇلىكتىڭ بارلىعى «سۇر» سحەما بويىنشا تولەنىپ، شەتەلدىك ساتىپ الۋشىعا تىركەلمەگەن»، - دەدى ءىىم يميدجدىك جۇمىس جانە ىشكى كوممۋنيكاتسيالار باسقارماسىنىڭ باستىعى شىڭعىس الەكەشەۆ.
ءتىنتۋ كەزىندە بارلىعى 12 كەلىدەن استام مەفەدرون مەن 17 كەلىدەن استام پرەكۋرسورلار تاركىلەندى.
ەسكە سالا كەتەيىك، بۇعان دەيىن قازاقستان دۇنيەجۇزى بويىنشا ەسىرتكىنى بەلسەندى قولداناتىن الدىڭعى ون ەلدىڭ قاتارىنا كىرگەن ەدى.
